Microsoft şirkəti iki ekranlı cihazlar üçün Windows 10X əməliyyat sistemi üzərində işləyirdi. Şirkət keçən ilin payız aylarında yeni Surface Neo adlı iki ekrana malik noutbukunu, bu noutbuk və bənzərləri ilə daha yaxşı işləyəcək əməliyyat sistemi olaraq isə Windows 10X-i təqdim etmişdi. İstifadəçilər yeni əməliyyat sistemini bəyənmişdilər, lakin sadəcə 2 ekranlı cihazlar üçün istifadə edilməsi təqdir görməmişdi.

        Microsoft rəsmilərinin təsdiqlərinə görə Windows 10 istifadə edən bütün noutbuklar Windows 10X əməliyyat sistemini dəstəkləyəcək. Lakin əsas sual Windows 10X sisteminin necə qurulacağıdır. Təxminlərə görə 19-20 May tarixlərində keçirilən Microsoft Build tədbirində Windows 10X ilə bağlı bəzi yeni məlumatların paylaşılacağı düşünülür. Microsoft Surface Neo noutbuku isə planlara əsasən 2020-nin sonları satışa çıxacaq. Lakin koronavirus pandemiyasına görə gecikmələrin olma ehtimalı çox yüksəkdir.