iPhone 9 və iPhone 12 koronavirus səbəbilə gecikə bilərlər
Elm & Texnologiya
09.03.2020
Farid Pardashunas
Bir neçə müddət bundan öncə məlumat ortaya çıxmışdı ki, Çində yayılan koronavirus səbəbilə iPhone SE 2-nin (iPhone 9) təqdimatı təxirə salına bilər. İndi isə Bank of America-nın mütəxəssisləri Apple şirkətinin komponent təchizatçıları ilə bu məsələdə söhbət apardıqdan sonra yayılmış məlumatları təsdiqləyiblər. Bu barədə Reuters saytı xəbər verib. Analitiklər qeyd ediblər ki, koronavirus Çinin istehsalat sahəsinə ciddi zərbə vurub.
Buna görə də Apple şirkəti öz cihazları üçün komponent qıtlığı problemi ilə qarşılaşıb. Nəticədə iPhone 9 modeli əvvəlcədən planlaşdırıldığından bir neçə ay sonra satışa çıxa bilər. Hər şey istehsalat proseslərinin bərpası tempindən asılı olacaq. Çində yayılan koronavirus həmçinin iPhone 12-yə də təsir göstərə bilər. Qeyd etmək lazımdır ki, Apple şirkəti öz yeni iPhone modellərini ənənə üzrə sentyabr ayında təqdim edir.
Lakin analitiklərin proqnozlarına əsasən şirkət təqdimat tədbirinin təxirə salınmasını da nəzərdən keçirə bilər. Heç istisna deyil ki, şirkət 5G dəstəkli ilk iPhone modellərini 1 ay gec təqdim etsin. Bu halda da hər şey Çindəki istehsalat proseslərinin bərpası tempindən asılı olacaq. Bununla yanaşı şirkət koronavirus səbəbilə öz əməkdaşlarına evdən çalışmaq icazəsini verib. Söhbət, Apple Park kampusunda çalışan işçilərdən gedir.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ