Yer kürəsinə ən yaxın məsafədə yerləşdiyi güman edilən qara dəlik kəşf edilib

Yer kürəsinə ən yaxın məsafədə yerləşdiyi güman edilən qara dəlik kəşf edilib

Süni zəka və Elm
24.10.2022 PAYLAŞIM

    Amerikalı alimlər Yer kürəsinə ən yaxın məsafədə yerləşdiyi güman edilən qara dəliyi kəşf ediblər. Kəşf edilmiş qara dəlik Yer kürəsinə o qədər yaxın məsafədə yerləşir ki, o sanki planetimizin “arxa küçəsindədir”. Kosmosda qara dəliyi aşkar etmək çox qəliz məsələdir. Belə ki, hətta işıq belə onun hadisələr üfüqi adlandırılan nöqtəsindən geri qayıda bilmir. Lakin qara dəliklər bəzən qazı, tozu, ulduzu udan və ya bir-biriləri ilə toqquşduqları zaman müəyyən şüalanmalar ifraz edə bilirlər və məhz həmin şüalanmaların hesabına onları təyin etmək mümkün olur. Buna baxmayaraq kosmosda qara dəliklərin hansı sayda olduqlarını təyin etmək çətindir.


    Bu mövzuya həsr edilmiş xüsusi layihə çərçivəsində alimlər Avropanın Gaia adlı teleskopu tərəfindən kəşf edilmiş 200 000 ədəd ikili ulduz sistemi barəsində məlumatları analiz ediblər. Həmin sistemlər arasından alimlər yüksək kütləli görünməyən kosmik obyektin ətrafında dövr edən ulduzları təyin etməyə çalışıblar. Bu cür ulduzlara namizəd ola biləcək kosmik obyektləri seçəndən sonra alimlər onların işıq spektrlərini müşahidə etməyə başlayıblar. Qara dəliyin qravitasiyası öz ətrafında dövr edən ulduzun işıq spektrinə təsir göstərir. Nəticədə alimlərin diqqətlərini bir ulduz sistemi çəkib. Həmin sistemdə Günəşin kütləsindən bir qədər aşağı kütləyə sahib ulduz görünməyən obyektin ətrafında dövr edir və həmin obyektin kütləsi 12 dəfə daha böyükdür.

    Təyin edilmiş ulduz görünməyən obyektin ətrafında tam dövrü 185 günə reallaşdırır. Alimlərin hesablamalarına əsasən sözügedən qara dəlik Yer kürəsindən 1550 işıq ili məsafəsində yerləşir və heç istisna deyil ki, o, Yer kürəsinə ən yaxın məsafədə yerləşən qara dəlikdir. Yer kürəsinə ən yaxın məsafədə yerləşən qara dəlik statusunu əldə edə biləcək digər namizədlər də var. Onlardan ən yaxın məsafədə yerləşəni isə V Pup adlı ulduz sistemindəki obyektdir. Həmin obyekt Yer kürəsindən 960 işıq ili məsafəsində yerləşir. Lakin onun qara dəlik olub-olmadığı hələ təsdiqlənməyib.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


OpenAI ChatGPT tərəfindən tərtib edilən mətnləri təyin edə biləcək sistem üzərin..

Olduqca qəliz mətnlər tərtib etməyi bacaran süni zəka əsaslı ChatGPT çat-botunun yaradıcısı OpenAI ş..


Google ChatGPT-nın potensial rəqibi ola biləcək süni zəka əsaslı yeni çat-botunu..

Verilmiş məlumata əsasən Google şirkəti süni zəka əsaslı yeni çat-botlarını test edir.


Amerikalı konqresmen öz çıxışı zamanı ChatGPT tərəfindən tərtib edilmiş mətndən ..

Keçən həftə konqresmen Jake Auchincloss ABŞ Nümayəndələr Palatasında çıxış edib.


Google mətnli təsvir əsasında istənilən janrda musiqi tərtib edən süni zəka əsas..

Google şirkəti süni zəka əsaslı MusicLM adlı alqoritmini təqdim edib. Sözügedən alqoritm istənilən j..


ChatGPT dünyanın ən yaxşı biznes məktəblərindən birində buraxılış imtahanından u..

OpenAI şirkətinin süni zəka əsaslı ChatGPT çat-botunun dərs tapşırıqlarının yerinə yetirilməsində is..

×