Whatsapp-ın iOS versiyasına yeni funksiya əlavə edilib. Əlavə edilmiş yeni funksiya vasitəsilə iPhone istifadəçiləri öz fotolarından stikerlər hazırlaya bilərlər. Qeyd etmək lazımdır ki, iOS-in özünə bu funksiya hələ iOS 16-da əlavə edilib. Lakin onun Whatsapp tərəfindən dəstəklənməsi indi reallaşdırılıb. iOS 16-nın istifadəyə verilməsi ilə iPhone-da olan Photos tətbiqindəki bu və ya digər fotoda obyekti əsas fondan ayıraraq onu kopyalamaq və ya digər tətbiqlərə göndərmək imkanı reallaşdırılıb. İlk öncə bu funksiyanın Whatsapp üçün dəstəyi messencerin beta versiyasında reallaşdırılmışdı. İndi isə o, messencerin iOS üçün nəzərdə tutulmuş stabil versiyasında hamıda aktivləşdirilib.