Servisdə yaddaş həcmi limiti: Məşhur Google Photos servisinin pulsuz imkanı məhdudlaşdırılacaq

Servisdə yaddaş həcmi limiti: Məşhur Google Photos servisinin pulsuz imkanı məhdudlaşdırılacaq

Servislər
13.11.2020 PAYLAŞIM

    Google Photos servisində ödənişli funksiyaların ola biləcəkləri barəsində məlumat sızıntılarından sonra Google şikəti istifadəçilərin fotolarının bulud servisində saxlanması siyasətində dəyişiklik edib. Belə ki, yaxın gələcəkdə Android istifadəçiləri Google Photos servisindəki Gallery bölməsinin yaddaş həcminə nəzarət etməli olacaqlar. Əks halda onlar əlavə daxili yaddaş üçün ödəniş etməli olacaqlar. Bu barədə 9to5google saytı xəbər verib. Google şirkətinin dəstək xidmətinin verdiyi məlumata əsasən 1 iyun 2021-ci il tarixindən başlayaraq bulud servislə sinxronlaşdırılan media kontentlər və Google servisləri vasitəsilə yaradılmış sənəd faylları Google Drive-da 15 GB-lıq limit çərçivəsində yerləşdiriləcəklər.


    Qeyd etmək lazımdır ki, bu, Google istifadəçiləri üçün bulud servisinin təqdim etdiyi pulsuz yaddaş həcmidir. Bu yeni qayda qeyd edilmiş tarixə kimi yüklənmiş yüksək keyfiyyətli fayllara şamil olunmayacaq. Yaddaş həcmini genişləndirmək üçün istifadəçilərə Google One tarif planı təqdim olunacaq. Beləliklə şirkət serverində Google Drive üçün 100 GB-lıq yaddaş həcminin aylıq abunə haqqı 1.99$, 200 GB-lıq yaddaş həcminin aylıq abunə haqqı 2.99$, 2 TB yaddaş həcminin aylıq abunə haqqı isə 9.99$ təşkil edəcək.

    Bu məsələdə Google Pixel smartfonları istisna olacaqlar. Belə ki, Google Pixel istifadəçiləri üçün bulud servisdə faylların saxlanması üzrə heç bir məhdudlaşdırma nəzərdə tutulmayıb. Servisdə faylların saxlanması siyasətindəki dəyişiklik saxlanılan faylların həcmlərinin artması ilə bağlıdır. Bununla belə Google bildirib ki, o, Apple iCloud ilə müqayisədə pulsuz şəkildə 3 dəfə daha çox yaddaş həcmi təklif edir. Məlumatda qeyd edilib ki, hal hazırda Google Photos servisində 4 trilyondan çox foto var və hər həftə servisə 28 milyard yeni foto və video yüklənir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Google Search-un mobil versiyasına sonsuz axtarış nəticələri səhifəsi əlavə edil..

Google Search-un mobil versiyasında böyük dəyişiklik baş verib. Baş vermiş dəyişiklik lazımi məlumat..


Google Play-dən tətbiqlərin quraşdırılması daha sürətli olacaq

Google şirkəti Google Play-dən olan tətbiqlərin quraşdırılmasının optimizasiyası funksiyasını anons ..


Netflix kənar şəxslərin hesablarından istifadə edənlərə qarşı müharibə elan edib..

Netflix servisi kənar şəxslərin istifadəçi hesablarından istifadə edən insanlarla mübarizə aparacaq ..


Microsoft ünsiyyət üçün Mesh adlı holoqrafik servisi təqdim edib (VİDEO)

Microsoft şirkəti virtual mühitdə çalışmaq və ünsiyyət qurmaq üçün nəzərdə tutulmuş Mesh adlı platfo..


Google hiyləgərcəsinə istifadəçiləri ödənişli servisə keçirtməyə çalışır..

Google şirkəti özünün Photos servisindəki premium funksiyaları aktiv şəkildə reklam etməyə başlayıb...


Yeni dizayn və jestlərlə idarəetmə: Youtube-un mobil versiyasında yeni funksiyal..

Google şirkəti məşhur Youtube servisinin mobil versiyasına bir sıra yeniliklər əlavə edib.

×