OpenAI şirkətinin keçmiş əməkdaşları tərəfindən təsis edilmiş Anthropic adlı startap süni zəka əsasında çalışan çat-botunu təqdim edib. Startapın süni zəka əsaslı çat-botu Claude adını əldə edib. Sözügedən çat-bot ChatGPT-nin bacardığı çox şeyi bacarır. Onu test etmiş istifadəçilər qeyd ediblər ki, Claude ünsiyyətdə daha sadədir və o, xoş olmayan açıqlamaları nadir hallarda təqdim edir. Hələ keçən ay Google şirkəti Anthropic-ə 300 milyon dollar dəyərində investisiya yatırmışdı.

    Startap tərəfindən yaradılmış Claude adlı çat-bot sözün əsl mənasında ChatGPT-yə bənzəyir. Belə ki, o da ChatGPT kimi istifadəçilərin suallarına ətraflı cavablar təqdim edir və mətnlər ilə proqram təminatı kodlarının tərtib edilməsində yardımçı olur. Bu layihənin əsas məqsədi faydalı, dürüst olacaq və eyni zamanda zərər yetirməyəcək süni zəka əsaslı köməkçinin təqdim edilməsidir. Claude-un standart versiyası ilə yanaşı şirkət həmçinin Claude Instant-ı da anons edib. O, standart Claude versiyasından daha geniş funksionallığı ilə fərqlənir.