Xiaomi yaxın zamanda Xiaomi 13 smartfon seriyasını təqdim etməlidir. Bir neçə müddət bundan öncə isə adi Xiaomi 13 modeli Geekbench bençmark saytının testlərindən keçmişdi. Məlum oldu ki, sözügedən smartfon Geekbench-in bir nüvəli testi çərçivəsində 1497 xal, çox nüvəli testi çərçivəsində isə 5089 xal toplayıb. İndi isə Geekbench-in testlərindən həmçinin Xiaomi 13 Pro smartfonu keçib. Geekbench-in testlərindən keçmiş Xiaomi 13 modeli 12 GB RAM ilə təchiz olunub.

    Beləliklə bu smartfon Geekbench-in bir nüvəli testi çərçivəsində 1504 xal, çox nüvəli testi çərçivəsində isə 5342 xal toplayıb. Bu məsələdə aydındır ki, təqdim ediləcək yeni smartfon Snapdragon 8 Gen 1 prosessoruna sahib Xiaomi 12 Pro-nu bir xeyli geridə qoyur. Belə ki, bir nüvəli test  çərçivəsində smartfonun performansı 20%, çox nüvəli test çərçivəsində isə 30% yüksəlib. Qeyd etmək lazımdır ki, həm adi Xiaomi 13 həm də Xiaomi 13 Pro Snapdragon 8 Gen 2 prosessoru ilə təchiz olunacaq. Son məlumatlara əsasən Xiaomi 12 modellərindən fərqli olaraq Xiaomi 13 modelləri bir qədər baha qiymətə satılacaqlar.