Artıq məlumdur ki, OnePlus şirkəti hal hazırda OnePlus 12 flaqman smartfonu üzərində çalışır. Digital Chat Station ləqəbli məşhur insayder isə hazırlanan OnePlus 12 barəsində bəzi məlumatları təqdim edib. Təqdim edilmiş məlumatlar smartfonun batareyası və şarj gücünü əhatə edirlər. İnsayderin sözlərinə əsasən OnePlus 12-nin prototipləri 100 vatt gücündə olan sürətli şarj texnologiyasının iştirakı ilə test edilir. Yəni smartfonun final versiyası böyük ehtimal ilə məhz 100 vatt gücündə sürətli şarj texnologiyasının dəstəyini əldə edəcək. Bununla yanaşı insayder bildirib ki, smartfon 5000 mAh enerji tutumlu batareya ilə təchiz olunacaq. OnePlus 12-nin nə zaman təqdim ediləcəyi bilinmir. Lakin bunun dekabr ayında baş tutacağı ehtimalı böyükdür.