Redmi brendi Avropa bazarında Redmi 12 adlı yeni büdcəli smartfonunu satışa çıxartmağa hazırlaşır. Dünən sözügedən smartfonun bəzi texniki özəllikləri barəsində məlumatlar ortaya çıxmışdı. İndi isə Redmi 12-nin render fotoları ortaya çıxıb. Render fotolardan da görmək olar ki, Redmi 12 smartfonu xarici görünüşcə bir qədər Redmi Note 12-yə bənzəyəcək.

    Bununla yanaşı yeni smartfon yastı ekran ilə təchiz olunacaq və ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşəcək. Qeyd etmək lazımdır ki, Redmi 12-nin 90 Hz-lik təsvir yenilənməsinə sahib 6.79 düym IPS ekran, MediaTek Helio G88 prosessoru, 4 GB RAM, 128 GB daxili yaddaş həcmi və 18 vatt gücündə sürətli şarj texnologiyalı 5000 mAh enerji tutumlu batareya ilə təchiz olunacağı gözlənilir. Smartfonun nə zaman satışa çıxacağı barəsində məlumat olmasa da bu, yaxın zamanda baş tutmalıdır.