Samsung şirkəti özünün Galaxy M seriyasının smartfonları üçün Android 13 əməliyyat sisteminin stabil versiyasını istifadəyə verməyə davam edir. Bu dəfə əməliyyat sistemi yenilənməsini Galaxy M33 5G smartfonu əldə edib. Sözügedən smartfon üçün Android 13 Avropa regionunda tədricən istifadəyə verilməyə başlayıb. Galaxy M33 5G modeli Android 13 ilə yanaşı həmçinin yeni OneUI 5.0 istifadəçi interfeysini və Google şirkətinin oktyabr ayı üçün nəzərdə tutulmuş təhlükəsizlik yenilənməsini əldə edib.