Bugün xəbər verildi ki, Samsung şirkəti OneUI 5.1 istifadəçi interfeysini Galaxy A51 5G üçün istifadəyə verib. İndi isə məlum olub ki, şirkət yeni istifadəçi interfeysini Galaxy A seriyasının daha iki modeli üçün təqdim edib. Söhbət, Galaxy A71 və A71 5G smartfonlarından gedir. Məlumatda qeyd edilib ki, adi Galaxy A71 üçün OneUI 5.1 Avropada, Galaxy A71 5G üçün isə Asiyada istifadəyə verilib. Qeyd etmək lazımdır ki, sözügedən smartfonlar OneUI 5.1-dən əlavə olaraq Google şirkətinin fevral ayı üçün nəzərdə tutulmuş təhlükəsizlik yenilənməsini də əldə ediblər.