Yeni daşınıla bilən cihaz yüksək dozada narkotik vasitənin qəbulu halında insan həyatını xilas edir

Yeni daşınıla bilən cihaz yüksək dozada narkotik vasitənin qəbulu halında insan həyatını xilas edir

Texnologiya
24.11.2021 PAYLAŞIM

    Nalokson adlı dərman preparatı heroin və ya digər opioid növlərinin yüksək dozada qəbulu nəticəsində həyatını itirmək təhlükəsi altında olan insanı ölümdən xilas edir. Lakin belə bir halda sözügedən dərman preparatının orqanizmə inyeksiyasnı dərhal reallaşdırmaq lazımdır. Yeni daşınıla bilən cihaz isə məhz bu proses üçün nəzərdə tutulub. Belə ki, yeni daşınıla bilən cihaz narkotik vasitənin yüksək dozada qəbuluna tez reaksiya verir və nalokson dərman preparatının inyeksiyasını reallaşdırır. Bundan əlavə olaraq kiçik ölçülü bu cihaz pasient barədə məlumatları yaxında olan smartfona ötürür. Vaşinqton Dövlət Universitetinin mütəxəssisləri tərəfindən yaradılmış bu cihaz hələ prototip şəklində mövcuddur.


    O, pasientin qarın nahiyəsində dəriyə yaxın məsafədə yerləşdirilir. Cihaz isə özündə olan akselerometr və xüsusi mikroprosessorlar vasitəsilə daimi şəkildə pasientin bədən hərəkətlərini və nəfəs tezliyini monitorinq edir.  Monitorinq zamanı cihaz bədənin hərəkətsiz şəkildə olduğunu və eyni anda narkotik vasitələrin qəbulu zamanı nəfəsalma funksiyasının pozulmasına gətirib çıxardan xarakterik patternləri aşkar edərsə, o, avtomatik şəkildə nalokson inyeksiyasını reallaşdıracaq. Bundan əlavə olaraq pasientin tibbi göstəriciləri Bluetooth vasitəsilə yaxınlıqda yerləşən smartfona ötürüləcək.

    Opioid növlərinin yüksək dozalarda qəbulunu təyin edən alqoritmin təlimatlandırılması üçün mütəxəssislər opioid asılılığına sahib 25 nəfər könüllü şəxsi işə cəlb ediblər. Nəticədə 20 nəfər sağlam şəxs xəstəxana şəraiti çərçivəsində nəfəs pozuntusunu simulyasiya edən anda cihaz avtomatik olaraq nalokson inyeksiyasını reallaşdırıb. İndi isə mütəxəssislər cihaz ölçüsünün daha da kiçildilməsi üzərində çalışırlar. Daha sonra isə onlar bu texnologiyanın kommersiyalaşdırılmasına keçid edəcəklər. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


İsveçrə hökuməti intihar etmək üçün nəzərdə tutulmuş xüsusi kapsulların istifadə..

Exit International şirkəti intihar etməkdə yardımçı olmaq üçün nəzərdə tutulmuş xüsusi kapsulların h..


Apple şirkətinin ilk AR cihazının əsas özəllikləri barəsində məlumatlar verilib..

Ortaya çıxmış bir çox məlumata əsasən Apple şirkəti gələn il özünün ilk AR cihazını (Artırılmış Real..


Nəyə görə Qualcomm-un yeni prosessoru Snapdragon 8 Gen 1 adını əldə edib?..

Keçən həftə Qualcomm şirkəti Snapdragon 8 Gen 1 adlı yeni flaqman prosessorunu təqdim etmişdi...


Realistik üz mimikalarına sahib Ameca adlı robot sərgilənib (VİDEO)

İnsana bənzəyən robotlar bazarda artıq yeni bir şey hesab edilmir. Məsələn məşhur Boston Dynamics şi..


Qualcomm noutbuklar üçün nəzərdə tutulmuş yeni prosessorlarını təqdim edib..

Smartfonlar üçün nəzərdə tutulmuş Snapdragon 8 Gen 1 prosessorundan sonra Qualcomm şirkəti noutbukla..


Tesla uşaqlar üçün Cyberquad adlı 4 təkərli motosikli təqdim edib - QİYMƏTİ (VİD..

Tesla şirkəti 2019-cu ildə Cybertruck pikapı ilə birlikdə Cyberquad adlı 4 təkərli motosikli də təqd..

×