Xiaomi şirkəti Pocophone F1 Lite smartfonu üzərində çalışır
Elm & Texnologiya
15.03.2019
Emil Nəcəfov
Görünür, Xiaomi şirkəti Pocophone F1 smartfonunun daha sadələşdirilmiş versiyasını satışa çıxartmağı qərarlaşdırıb. Bu barədə Gagadget saytı xəbər verib. Belə ki, Poco F1 Lite adlı smartfon modeli məşhur Geekbench bençmark saytında aşkar edilib. Beləliklə Geekbench məlumatlarına əsasən adi Pocophone F1 modelindən fərqli olaraq Poco F1 Lite modeli 8 nüvəli Snapdragon 660 prosessoruna sahibdir. Bundan əlavə olaraq Geekbench testindən keçmiş model həmçinin 4 GB RAM-a və Android Pie əməliyyat sisteminə sahibdir. Beləliklə smartfon birnüvəli testdə 1341 xal, çoxnüvəli testdə isə 4830 xal toplayıb. Bu isə Snapdragon 660 prosessoru üçün standart göstəricilərdir. Təəssüflər olsun ki, smartfonun digər texniki göstəriciləri və təqdimat tarixi barəsində heç bir məlumat yoxdur.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!