Bir neçə gün bundan öncə məlumat ortaya çıxmışdı ki, Xiaomi şirkəti özünün Mi Max ilə Mi Note seriyasının istehsalından imtina edə bilər. İndi isə şirkətin CEO-su Lei Jun bu məlumatı təsdiqləyib. Daha dəqiq desək, Lei Jun bildirib ki, bu il Mi Max və Mi Note seriyalarında yeni smartfon modellərini gözləmək lazım deyil. Bu barədə Gagadget saytı xəbər verib

    Sözügedən seriya ilə gələcəkdə nə olacağını söyləmək çətindir. Heç istisna deyil ki, həmin smartfon seriyalarına ümumiyyətlə son qoyulacaq. Bu il üçün isə Xiaomi-nin digər planları var. Şirkət əsasən 4 smartfon istiqamətində inkişaf etməyi planlaşdırır: Xiaomi Mi, Mi Mix, gənclər üçün nəzərdə tutulmuş yeni Xiaomi CC seriyası və Redmi brendinin smartfon seriyası.