Xiaomi şirkəti rəsmi olaraq elan etdi ki, 5 noyabr tarixində Çində yeni cihazların təqdimatlarını keçirdəcək. Təqdimatın əsas cihazı isə Xiaomi CC9 Pro smartfon modeli olacaq. Bu barədə Gagadget saytı xəbər verib. Şirkətin təqdim etdiyi posterə əsasən yeni smartfon 4 arxa kamera moduluna sahib olacaq və onlardan biri 108 MP-lik Samsung ISOCELL Bright HMX kamera modulu olacaq. Bundan əlavə olaraq smartfon AMOLED ekran, Snapdragon 730G prosessoru, 4000 mAh enerji tutumlu batareya və ekrana inteqrasiya edilmiş barmaq izi skanı texnologiyası ilə təchiz olunmalıdır. Smartfonun güman olunan qiyməti isə 300$-dır. Son məlumat sızntlarına əsasən qlobal bazarda CC9 Pro modeli Pocophone F2 adıı ilə satışa çıxacaq.