Sözügedən smartfon böyük ekrana, əla batareya həcminə və heçdə pis olmayan prosessora sahibdir. Belə ki, Xiaomi Mi Max 2, metal korpusa, 6.44 inç ekran (Gorilla Glass qoruyucu şüşəli), 8 nüvəli Qualcomm Snapdragon 626 prosessoru, 4 GB RAM, 64/128 GB daxili yaddaş, 5300 mAh enerji tutumlu batareya (Quick Charge 3.0 funksiyalı) 12 MP-lik arxa və 5 MP-lik ön kamera ilə təchiz olunmuşdur. Smartfonun arxa panelində barmaq izi skanı yerləşdirilmişdir. Cihazın şarj prosesi isə USB Type-C girişi vasitəsilə həyata keçirilir. Yeni smartfonun əsas özəlliyi kimi onun böyük həcmli batareyasını göstərmək olar. Şirkətin məlumatına əsasən tam enerji ilə dolu batareya sayəsində Mi Max 2, 2 gün çalışmaq potensialına sahibdir. Həmçinin şirkət qeyd edib ki, şarj zamanı smartfon 68% enerjini 1 saat ərzində yığa bilir. Tam enerji ilə dolu vəziyyətdə isə 18 saat video izləmək və ya 57 saat danışıq rejimində smartfondan istifadə etmək olar. Xiaomi Mi Max 2, 1 İyun tarixindən Çində satışa çıxacaq. 64 GB daxili yaddaşa sahib versiyanın qiyməti 250$, 128 GB daxili yaddaşa sahib versiyanın qiyməti isə 290$ təşkil edəcək.