main-post-cover

    Xiaomi Mi9 Pro 5G'nin ilk real fotoları sızdırıldı (VİDEO)

    Elm & Texnologiya
    19.09.2019
    Emil Nəcəfov
        İnternetdə Xiaomi Mi9 Pro 5G smartfon modelinin real fotoları ortaya çıxıb. İnsayderlər smartfonun dizaynından başqa onun ikitərəfli şarj texnologiyasını Apple AirPods qulaqlıqları misalında sərgiləyiblər. Bu barədə Slashleaks saytı xəbər verib. Xarici görünüşcə Mi9 Pro 5G modeli adi Mi9-u kopyalayır. Smartfon ekranı üzərində ön kamera üçün nəzərdə tutulmuş damcı formalı çıxıntı hissə yerləşdirilib.
        Ekranın özü isə ənənəvi çərçivəli dizayna sahibdir. Fotodan da görəmək olar ki, smartfon 48 MP-lik üçlü arxa kameraya sahib olacaq və 30 vatt gücündə sürətli naqilsiz şarj texnologiyasını dəstəkləyəcək. Sözügedən smartfon həmçinin 10 vatt gücündə olan ikitərəfli şarj texnologiyasını da dəstəkləyəcək. Bu texnologiyanı test etmək üçün Apple AirPods qulaqlığı smartfonun arxa panelinin üzərinə qoyulub. Nəticədə qulaqlıq şarj edilib.
        Mi9 Pro 5G modeli artıq Çinin bir sıra online mağzalarında ortaya çıxıb. Xiaomi şirkətinin bazardakı ən aşağı qiymətə sahib 5G smartfonu satışa çıxardacağı bəyanatlarına baxmayaraq bəzi online mağazalar bu smartfona 1415$ qiymət göstəricisi təyin ediblər. Heç istisna deyil ki, smartfonun rəsmi satış qiyməti məlum olmadığı üçün satıcılar bu cür qiymət göstəricisini təyin ediblər. Qeyd etmək lazımdır ki, Mi9 Pro 5G modeli 24 sentyabr tarixində Mi Mix 4 ilə birlikdə təqdim ediləcək. 
    Linki kopyala