Xiaomi Mi Superbass Wireless Headphones adlı yeni naqilsiz qulaqlıq təqdim edilib
Elm & Texnologiya
15.07.2019
Emil Nəcəfov
Xiaomi şirkəti Mi Superbass Wireless Headphones adlı yeni naqilsiz qulaqlıq modelini təqdim edib. Təqdim edilmiş yeni naqilsiz qulaqlıq modeli digərlərindən yüksəldilimş baslar, bir dəfə şarj olunandan sonra uzun zaman çalışmaq, Bluetooth 5.0-dan istifadə və naqil ilə qoşulma cəhətdən fərqlənir. Bu barədə Gizmochina saytına istinadən 4pda saytı xəbər verib.
Sözügedən yeni qulaqlıq modeli 40 millimetrlik dinamik drayverlərə sahibdir. Şirkətin verdiyi məlumata əsasən həmin drayverlər yüksək güclü basların verilməsinə şərait yaradır. Smartfona və ya digər səs mənbəsinə bu qulaqlıq Bluetooth 5.0 və ya 3.5 mm-lik audiogiriş vasitəsilə qoşulur. 400 mAh enerji tutumlu batareyaya sahib Mi Superbass Wireless Headphones 80% səs gücü səviyyəsində 20 saat ərzində musiqiyə qulaq asmağa imkan verir.
Qulaqlıq micro-USB girişi vasitəsilə 100% enerjini 2 saata yığır. Qulaqlıqda səsli köməkçi dəstəyi olsa da həmin səsli köməkçinin hansı dilləri dəstəkləyəcəyi barəsində bir məlumat verilməyib. Qulaqlıq Android və iOS-i dəstəkləyir. Xiaomi Mi Superbass Wireless Headphones artıq Hindistanda 26$ qiymətində satışa çıxıb. Onun başqa bazarlarda da satılıb-satılmayacağı hələki bilinmir.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək