Xiaomi Mi Band 4 fitnes qolbağının yeni real fotoları təqdim olundu
Elm & Texnologiya
31.05.2019
Emil Nəcəfov
Redmi K20 smartfon modelinin dizaynını təqdimatdan öncə təqdim etmiş və yavaş-yavaş məşhurluq qazanan hindistanlı insayder Mukul Sharma Xiaomi şirkətinin yeni nəsil Mi Band fitnes qolbağının real fotolarını təqdim edib. Bu barədə 4pda saytı xəbər verib. Təqdim olunmuş fotolarda Mi Band 4 qolbağının yenilənmiş dizaynını və bəzi işlək funksiyalarını görmək olar. Əvvəlki məlumat sızıntılarında da qeyd olunduğu kimi xarici görünüşcə Mi Band 4 qolbağı əvvəlki modeldən heç də fərqlənməyəcək.
Şirkət qolbaqda olan sensorlu düymə üçün çuxur formasından imtina edib. Onun yerinə sensorlu ekran dairəvi forma vasitəsilə əks olunacaq. Mi Band 4-də olacaq əsas yenilik isə rəngli ekran olmalıdır. Fotolardan da görmək olar ki, istifadəçi qolbağın ekranını özünə görə ayarlaya biləcək. İnsayder bildirib ki, Mi Band 4 də iki versiyada təqdim olunacaq: NFC modul ilə və NFC modulsuz. Bununla yanaşı o qeyd edib ki, Mi Band 4-ün təqdimatı artıq çox yaxın zamanda baş tutmalıdır.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!