Microsoft şirkəti Windows 10 ilə bağlı yeniliklər üçün sürətli şəkildə işləməyə davam edir. İlk çıxdığında stabillik və performans problemləri olan ƏS-i yenilənmələr hesabına stabil vəziyyətə gətirildi. Windows 10 yeni bir sistem olduğu üçün tez-tez yenilənmələr gəlir və bunlar bəzən istifadəçilərin canını sıxa bilir. Belə olan halda Microsoft bır çıxış yolu axtarmağa başladı və tapdı.

İlk çıxdığı zamanlar Microsoft tərəfindən göndərilən stabillik və performans yenilənmələri Windows 10- a 81 dəqiqə kimi uzun bir vaxt ərzində qurulurdu. Nəzərə alsaq ki, bir çox insan SDD işlətmir, onda bu vaxtın çox uzun olduğuna qənaət gətirmək olar. Sonraki zamanlarda edilən dəyişiklər səbəbi ilə bu vaxt 50 dəqiqəyə kimi qısaldılmışdı. İndi isə Microsoft-un dediklərinə görə bu vaxt 30 dəqiqəyə qədər qısaldılıb. Ayrıca bundan əvvəl Microsoft müdürlərindən birinin paylaşımına görə, artıq "Unified Update Platform" adlanan sistem hesabına yenilənmələrin həcmi 35% azaldıldı. Windows 10-un yenilənmə strukturuna nəzər salanda görürük ki, yenilənmə yüklənməzdən əvvəl keçici fayların hazırlanması, istifadəçilərin məlumat və fayllarının toplanıb qorunması kimi ön hazırlıqlar yenilənmə zamanı olurdu və buna görə yenilənmələrin quraşdırılması çox vaxt alırdı. Microsoft mühəndislərinin dediklərinə görə artıq bu proseslər yenilənmələr quraşdırılmamışdan əvvəl olacaq. Bu zaman bizim həm də komputerdən rahatlıqla istifadə edə biləcəyimizi vurğulan Microsoft bu yeni üsulun "Spring Creators"  yenilənməsi ilə birliktə tətbiq edəcəyini bildirdi.