Microsoft, Windows 10-u təqdim etdiyi zaman ən bəyənilməyən tərəfi ayarların iki fərqli hissəyə bölünməsi idi. Yəni bəzi ayarlar Settings-də, bəziləri isə Control Panel-də idi. Control Panel, Windows 7 ilə həyatımıza girmişdi və çox sadə interfeysi olduğu üçün bəyənilmişdi. Ona görə də Microsoft, yavaş-yavaş Contron Panel-dəki ayar və tənzimləmələri Settings-ə inteqrasiya etməyə başladı. 

        İnsider versiya olan son Windows 10 2004 əməliyyat sistemində artıq Control Panel olsa da istifadə etmək mümkün olmur. Uzun zamandır bilinən bir şey idi ki, Microsoft artıq 2 ayrı ayar panelinə ləğv etmək istəyir. Beləliklə, stabil Windows 10 20H1 yenilənməsində artıq Control Panel olmaya bilər. Hal-hazırda Microsoft tərəfindən rəsmi olaraq təsdiqlənməsə də gedişat elə görünür.

        Qeyd edək ki, Microsoft Windows 10-un 2004 versiyasında sistem daxili yaddaş disklərinin ( Hard Disk və ya SSD ) idarə olunması üçün istifadə edilən Disk Management panelini də yeni interfeys ilə yeniləcək. Görünən odur ki, yeni Windows 10 əvvəlkilərə nəzərən daha fərqli gələcək.