Artıq sabah Xiaomi şirkətinin Redmi brendi özünün K20 smartfon seriyasını təqdim edəcək. Lakin təqdimatdan öncə K20 modeli Geekbench bençmark testindən keçib. Əldə olunmuş bençmark nəticələri sözügedən smartfon modelinin performansından əlavə olaraq onun əsas texniki göstəricisini də ortaya çıxardıb. Bu barədə Gsmarena saytına istindən 4pda saytı xəbər verib. Beləliklə Geekbench məlumatlarına əsasən Redmi K20 modeli Snapdragon 730 prosessoru əsasında çalışır.

    6 GB RAM-a və Da Vinci kod adına sahib smartfon Geekbench-in birnüvəli testində 2569 xal, çoxnüvəli testində isə 7096 xal toplayıb. Bu smartfonun göstəricilərini digər smartfonların göstəriciləri ilə müqayisə etmək mümkün deyil. Belə ki, Snapdragon 730 prosessorlu smartfon modeli hələ satışa çıxmayıb. Qeyd etmək lazımdır ki, Redmi brendinin K20 smartfon seriyasına iki model daxil olacaq: Redmi K20 və K20 Pro. Məlumata əsasən onlar öz aralarında yalnız prosessorlar üzrə fərqlənəcəklər. Belə ki, Redmi K20-nin Snapdragon 730 prosessoru ilə, Redmi K20 Pro-nun isə Snapdragon 855 prosessoru ilə təchiz olunacağı güman edilir.