'SpaceX' tamamilə məxfiləşdirilmiş 'Zuma' adlı missiyanı işə salır
Elm & Texnologiya
15.11.2017
Farid Pardashunas
16 Noyabr tarixində “SpaceX” şirkəti Yer kürəsinin orbitinə haqqındakı məlumatların ciddi şəkildə məxfiləşdirildiyi gizli yükü göndərməyi planlaşdırır.
Sözügedən gizli missiya “Zuma”
adını alıb. Bu barədə Mashable saytı xəbər verib. 11 Noyabr tarixində şirkət
Falcon 9 raketinin test uçuşunu reallaşdırmışdı. Həmin test 15 Noyabr tarixi
üçün nəzərdə tutulmuş gizli missiya üçün edilmişdi. Lakin missiyanın tarixini
bilinməyən səbəblərə görə 16 Noyabr tarixinə keçirtdilər. Buna baxmayaraq onun
tarixi yenə də dəyişilə bilər. Lakin sözügedən məxfi yük 30 Noyabrdan gec
olmayaraq kosmosa göndərilməlidir. Bu missiyanın isə niyə məhz 30 Noyabr tarixinə
kimi reallaşdırılmasının vacib olduğu hələki bilinmir.
Ümumiyyətlə bu missiya
ilə bağlı hər şey gizli saxlanılır. Məlumdur ki, Falcon 9 “Northrop Grumman”
adlı texnologiyalar təhlükəsizliyi şirkəti tərəfindən ABŞ üçün sifariş edilmiş
yükü Yer kürəsinin orbitinə çatdıracaq. Yükün nədən ibarət olduğunu öyrənməyə
çalışmış jurnalistlərə isə bildirilib ki, bu məlumat tamamilə məxfidir. Bununla
belə Elon Musk-ın şirkəti ilk dəfə deyil ki, yüksək gizliliyə sahib missiyaları
yerinə yetirir. Belə ki, şirkət Milli Kəşfiyyat İdarəsinin casus peykini və
ABŞ-ın Müdafiə Nazirliyinin yükünü Yer kürəsinin orbitinə çatdırmışdı. Lakin bu
dəfə dövlət orqanları sözügedən “Zuma” missiya ilə əlaqələrinin olduğunu inkar
ediblər.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)