SpaceX NASA ilə birlikdə BKS-ə ilk özəl uçuş reysininin tarixini elan etdi

SpaceX NASA ilə birlikdə BKS-ə ilk özəl uçuş reysininin tarixini elan etdi

Texnologiya
11.10.2019 PAYLAŞIM

    SpaceX şirkəti Marsa yollanmaq üçün nəzərdə tutulmuş kosmik gəmidən əlavə həmçinin insanların Yer kürəsinin orbitinə göndərilməsi üçün olan texnologiyalara da sahibdir. Onların sırasında Crew Dragon kosmik gəmisi var. Beləliklə SpaceX şirkətinin CEO-su Elon Musk NASA agentliyinin rəhbəri Jim Bridenstine ilə birlikdə Crew Dragon kosmik aparatının BKS-ə (Beynəlxalq Kosmik Stansiya) idarə olunan uçuşun reallaşdırılmasına hazır olduğunu elan edib. Bu barədə The Verge saytı xəbər verib. Bununla yanaşı həmin uçuşun nə zaman reallaşdırılacağı barəsində də məlumat verilib.

    Konfrans çərçivəsində NASA rəhbəri bildirib ki, əgər hər şey plana uyğun getsə, ilk uçuş gələn ilin birinci rübündə reallaşdırılacaq. Hal hazırda NASA astronavtlarının kosmosa göndərilməsi uğrunda SpaceX şirkəti Boeing ilə yarışır. Buna baxmayaraq bu şirkətlərdən heç biri hələ idarə olunan uçuşu təşkil edə bilməyiblər. Commercial Crew proqramı çərçivəsində astronavtların kosmosa çatdırılması hələ 2017-ci il üçün planlaşdırılırdı. Lakin NASA dəfələrlə bu proqramı təxirə salmalı olub. Bu ilin mart ayında SpaceX şirkəti Crew Dragon-un pilotsuz versiyasını BKS-ə göndərmişdi.


    Nəticədə kosmik aparat uğurlu şəkildə BKS ilə birləşmişdi və daha sonra Yer kürəsinə geri qayıtmışdı. Lakin bir ay sonra həmin kosmik gəmi Yer səthindəki testlər çərçivəsində yandı. Nəticədə həmin aparatın daxil olduğu proqram müəyyən müddətlik təxirə salındı. SpaceX hələ kiçik mühərriklər ilə bağlı problemi aradan qaldırmayıb. Məhz həmin problem nəticəsində əvvəlki testlərdə kosmik aparat yanmışdı. Həmçinin kosmik aparatın paraşüt sistemi də düzgün çalışmır.

    Musk ilk idarə olunan uçuş startına kimi digər problemlərin də aşkar ediləcəyini istisna etmir. Buna baxmayaraq partnyorlar əmindirlər ki, bütün problemlərin aradan qaldırılmasından sonra astronavtlar artıq özəl şirkətin köməkliyi ilə BKS-ə gələn ilin birinci rübündə yollana biləcəklər. Konfrans çərçivəsində Musk ilə NASA rəhbəri onu da qeyd ediblər ki, onlar astronavtların həyatarının təhlükəsiz şəraitdə olduqlarına əmin olmayınca həmin uçuş reallaşdırılmayacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


IBM şirkəti dünyanın ilk 2 nanometrlik prosessorunu yaradıb (VİDEO)

IBM şirkəti öz rəqiblərini geridə qoyaraq dünyanın ilk 2 nanometrlik prosessorunu yaratdı.


SpaceX-in Starship kosmik gəmisinin yeni prototipinin uçuş testi uğurla yekunlaş..

Uğursuz olmuş test uçuşlarından sonra SpaceX-in Starship kosmik gəmisinin Starship SN15 adlı yeni pr..


Tesla 3$-a alınmış patentlər sayəsində daha ucuz elektromobil istehsal edə biləc..

Tesla şirkəti öz elektromobilləri üçün fərdi batareya istehsalı üzərində ciddi şəkildə çalışır...


Blue Origin şirkəti ilk turistik uçuşun tarixini elan edib

Jeff Bezos-un Blue Origin aerokosmik şirkəti ilk turistik uçuşun tarixini elan edib.


Mütəxəssislər ən ağıllı səsli köməkçini təyin ediblər

Bespoken adlı şirkət Apple, Amazon və Google şirkətlərinin səsli köməkçilərinin funksionallıqlarının..


Yeni nəsil Apple Watch-da qandakı şəkər miqdarının ölçülməsi texnologiyası reall..

İnsayderlərin verdikləri məlumata əsasən Apple şirkəti yeni nəsil Apple Watch smart saatlarına qanda..

×