Samsung-un yeni texnologiyası mobil internetdə rekord sürət əldə etməyə imkan verib
Elm & Texnologiya
05.03.2021
Emil Nəcəfov
Samsung-un yeni texnologiyası smartfonlarda məlumatların ötürülməsi üzrə rekord sürət əldə etməyə imkan verib. Şirkətin yeni texnologiyası həmçinin 4G şəbəkələrin hesabına 5G şəbəkələrin əhatə dairəsini və stabilliyini yüksəldir. Samsung-un Cənubi Koreyadakı laboratoriyasında keçirilmiş test çərçivəsində şirkət 40 MHz diapazonda olan 4G tezlikləri 800 MHz diapazonda olan 5G tezlikləri ilə birləşdirə bilib. Bu üsul ilə bir smartfonda saniyədə 5.23 Gbit sürətlə məlumatların ötürülməsi əldə edilib. Test çərçivəsində Galaxy S20+ də daxil olmaqla Samsung-un müxtəlif cihazları iştirak edib.
4G və 5G şəbəkələrinin kombinasiyası öz növbəsində sürətin artırılması üçün mobil operatorlara hər bir şəbəkənin üstünlüklərindən istifadə imkanını verəcək. Bu yeni texnologiya EN-DC adını əldə edib. Samsung 5G sahəsindəki ilk texnologiyalarını hələ 2018-ci ilin əvvəlində sərgiləməyə başlamışdı. Həmin vaxtda şirkətin texnologiyaları New Radio protokolu əsasında məlumatların saniyədə 1.7 Gbit sürətlə ötürülməsini sərgiləmişdi. 1 ildən sonra şirkət sürəti saniyədə 2.65 Gbit-ə, 2020-ci ildə isə saniyədə 4.3 Gbit-ə çatdırmışdı. Şirkətin yeni texnologiyası isə bu limiti geridə qoymağa imkan verib.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək