Samsung Galaxy M30 barəsində yeni məlumatlar ortaya çıxdı
Elm & Texnologiya
07.01.2019
Orxan Jafarli
Almaniyanın Allaboutsamsung adlı saytı Galaxy M30 adlı yeni smartfonun texniki göstəriciləri barəsində məlumatlar verib. Beləliklə saytın verdiyi məlumata əsasən Galaxy M30 modeli Full HD+ keyfiyyətli 6.38 düym genişformatlı Infinity-U ekran (ekran üzərində V şəkilli çıxıntı hissəli), 13 MP + 5MP + 5 MP üçlü arxa kamera, 16 MP-lik ön kamera və 5000 mAh enerji tutumlu batareya ilə təchiz olunacaq.
Əvvəlki məlumat sızıntılarında qeyd olunmuşdu ki, sözügedən smartfon həmçinin Exynos 7885 prosessoruna, 4 GB RAM-a və 64/128 GB daxili yaddaş həcminə sahib olacaq. Məlumatda qeyd olunmuşdu ki, Galaxy M30 Android 8.1 Oreo əməliyyat sistemi vasitəsilə çalışacaq. Qeyd etmək lazımdır ki, Galaxy M seriyası şirkətin yeni smartfon seriyasıdır və o, Galaxy J, Galaxy C və Galaxy On seriyalarını əvəz etməlidir. Yeni seriyaya daxil olacaq Galaxy M10, Galaxy M20 və Galaxy M30 smartfon modellərinin təqdimatı bu aya gözlənilir.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!