Redmi K30-un təqdimat tarixi ilə dizaynı ortaya çıxdı
Elm & Texnologiya
12.11.2019
Emil Nəcəfov
Hələ təqdim edilməmiş Redmi K30 smarfonu barəsində yeni məlumat sızıntısı baş verib. Bu dəfəki məlumat sızıntısında smartfonun dizaynı və təqdimat tarixi əks ounub. Bu barədə 4pda saytı xəbər verib. Redmi K30 smartfonunun internetdə ortaya çıxmış render fotosu daha öncəki məlumat sızıntılarını təsdiqləyir. Render fotosundan da görmək olar ki, smartfon ekranında ikili ön kamera üçün nəzərdə tutulmuş çıxıntı hissə yerləşəcək. Bu baxımdan smartfonun ön paneli Galaxy S10+ modelinin ön panelini xatırladacaq.
Smartfonun arxa panelində isə üçlü kamera yerləşdiriləcək. Arxa paneldə barmaq izi skanı yoxdur. Bu isə o deməkdir ki, barmaq izi skanı texnologiyası çox güman ki, smartfonun ekranına inteqrasiya ediləcək. Yeni məlumata əsasən Redmi K30 modeli MediaTek Helio M70 prosessoru, Mali-G77 qrafik çipi və 80 MP-lik üçlü arxa kamera ilə təchiz olunacaq. Bununla yanaşı smartfon 5G şəbəkə dəstəyini də əldə edəcək. Məlumatda həmçinin qeyd edilib ki, smartfon Geekbench-in birnüvəli testində 3447 xal, çoxnüvəli testində isə 12151 xal toplayıb. Redmi K30-un 26 noyabr tarixində təqdim olunacağı gözlənilir.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!