![main-post-cover](https://s3.eu-central-1.amazonaws.com/technote-files/media/upload/qualcomm-subflaqman-ve-orta-budceli-smartfonlar-ucun-snapdragon-7plus-gen-2-prosessorunu-teqdim-edib9756.jpg)
Qualcomm subflaqman və orta büdcəli smartfonlar üçün Snapdragon 7+ Gen 2 prosessorunu təqdim edib
Elm & Texnologiya
17.03.2023
Farid Pardashunas
Qualcomm şirkəti Snapdragon 7 seriyasının yeni prosessorunu təqdim edib. Söhbət, Snapdragon 7+ Gen 2-dən gedir. 4 nanometrlik texnoloji proses əsasında hazırlanmış bu prosessor subflaqman və orta büdcəli smartfonlar üçün nəzərdə tutulub. Snapdragon 7+ Gen 2 prosessoru daha öncəki model olan Snapdragon 7 Gen 1 ilə müqayisədə bir çox istiqamət üzrə təkmilləşdirilib. Bununla yanaşı Snapdragon 7 Gen 1 ilə müqayisədə Snapdragon 7+ Gen 2-nin performans göstəriciləri və enerji effektivliyi də yüksəlib. Yeni prosessorun nüvələri “1+3+4” sxemi üzrə qruplaşdırılıb. Yəni Snapdragon 7+ Gen 2 prosessoru 2.91 GHz tezlikdə çalışan 1 ədəd Cortex-X2 nüvəsinə, 2.49 GHz tezlikdə çalışan 3 ədəd Cortex-A710 nüvəsinə və 1.8 GHz tezlikdə çalışan 4 ədəd Cortex-A510 nüvəsinə sahibdir.
![](https://s3.eu-central-1.amazonaws.com/technote-files/media/upload/images/372NrDFz1z2nFz07IPwhuUK2l1oKbMt.jpg)
Qualcomm-un verdiyi məlumata əsasən Snapdragon 7 Gen 1 ilə müqayisədə Snapdragon 7+ Gen 2-nin performansı bəzi çalışma ssenariləri çərçivəsində 50% yüksəlib. Şirkət həmçinin bildirib ki, yeni prosessorun GPU performansı 2 dəfə, enerji effektivliyi isə 13% yüksəlib. Snapdragon 7+ Gen 2-nin hansı qrafik çip ilə təchiz olunduğu barəsində məlumat verilməyib. Lakin qeyd edilib ki, prosessorun qrafik çipi Auto Variable Rate Shading adlı texnologiyanı dəstəkləyir. Bu texnologiya mobil oyun səhnələrini arxa fon ilə müqayisədə ön planda daha yüksək keyfiyyətdə sərgiləyir. Bu isə öz növbəsində smartfonun enerjisinə və resurslarına qənaət etmək imkanını verir.
Snapdragon 7+ Gen 2 prosessoru 200 MP-lik kameraları və eyni anda iki kamera vasitəsilə HDR çəkilişlərin aparılması imkanını dəstəkləyir. Təbii ki, yeni porsessorda süni zəka imkanları da reallaşdırılıb. Belə ki, AI Engine texnologiyası öz növbəsində 2 dəfə daha yüksək performansı və 40% daha yaxşı enerji effektivliyini təmin edir. Prosessor həmçinin Snapdragon X62 5G modeminə də sahibdir. Bu 5G modem saniyədə 4.4 Gbit yükləmə sürətini təmin edir. Qualcomm-un verdiyi məlumata əsasən Snapdragon 7+ Gen 2-yə sahib ilk smartfonlar artıq bu ay ərzində təqdim olunacaq.
Linki kopyala
Bənzər xəbərlər
Oxşar xəbərlər
Həftənin xəbərləri
![Huawei Pura 70 və Pura 70 Pro təqdim olunublar - QİYMƏTİ](https://s3.eu-central-1.amazonaws.com/technote-files/media/posts/webp/pura_bashligi_1.webp)
![Telegram-ın yaradıcısı Pavel Durov geniş müsahibə verib (VİDEO)](https://s3.eu-central-1.amazonaws.com/technote-files/media/posts/webp/661f681e9d20e408934983.webp)