Qatlana bilən Motorola RAZR smartfonu təqdim olundu - QİYMƏTİ

Qatlana bilən Motorola RAZR smartfonu təqdim olundu - QİYMƏTİ

Texnologiya
14.11.2019 PAYLAŞIM

    Son 1 il ərzində olmuş məlumat sızıntılarından sonra Motorola brendi sonunda qatlana bilən yeni nəsil Motorola RAZR smartfon modelini təqdim etdi. Yeni maraqlı dizayndan əlavə olaraq sözügedən smartfon elastiki ekran, kompakt ölçülər və qatlana bilən smartfonlar bazarındakı digər rəqiblərdən fərqli olaraq daha aşağı qiymət göstəricisi əldə edib. Beləliklə yeni Motorola RAZR modeli qapaqlı smartfon dizaynında hazırlanıb. Smartfon 2142x876 piksel keyfiyyətli daxili OLED ekrana sahibdir. Smartfonun qatlanma xətti onun ekranının mərkəzində yerləşir.

    Ekan ətrafındakı çərçivələr isə elastiki ekranın qorunması üçün nəzərdə tutulmuş əlavə qoruyucu funksiyanı reallaşdırırlar. Ekranın yuxarı hissəsində çıxıntı hissə yerləşdirilib və həmin çıxıntı hissəyə danışıq üçün nəzərdə tutulmuş səsgücləndiricilər və ön kamera inteqrasiya edilib. Smartfonun aşağısında isə qalın hissə yerləşib və barmaq izi skanı texnologiyası məhz həmin hissəyə inteqrasiya edilib. Smartfon gövdəsinin xaricində 800x600 piksel keyfiyyətli 2.7 düym əlavə OLED ekran yerləşir. Xarici ekran daxil olan zəngləri və bildirişləri əks etdirir. Bununla yanaşı xarici ekran vasitəsilə həmçinin multimedia fayllarını da idarə etmək olar.

    Əsas texniki götəricilərə gəldikdə isə Motorola RAZR modeli Snapdragon 710 prosessoru, 6 GB RAM, 128 GB daxili yaddaş həcmi, 16 MP-lik (f/1.7 diafraqmalı) arxa kamera, 5 MP-lik ön kamera və 15 vatt gücündə sürətli şarj texnologiyalı 2510 mAh enerji tutumlu batareya ilə təchiz olunub. Yeni Motorola RAZR modeli Android Pie əməliyyat sistemi vasitəsilə çalışır. Smartfonun ABŞ-da ön sifarişinə dekabr ayının sonunda start veriləcək. Satışlar isə 2020-ci ilin yanvar ayında başlayacaq. Smartfonun qiyməti 1500$ təşkil edir. Onun başqa regionlarda nə zaman və hansı qiymətə satılacağı barəsində məlumatlar isə daha sonradan veriləcək.



SİZƏ MARAQLI OLACAQ BİR NEÇƏ MƏLUMAT


Redmi K30 5G rəsmi olaraq təqdim edildi - QİYMƏTİ

Bir neçə ay ərzində olmuş müxtəlif məlumat sızıntılarından sonra Redmi brendi sonunda Redmi K30 smar..


Galaxy S10 Lite, Note 10 Lite, A51, A71 smartfonlarının qiymətləri və satış tari..

Heç kim üçün sirr deyil ki, Samsung şirkəti hal hazırda Galaxy S10 Lite, Galaxy Note 10 Lite, Galaxy..


Xiaomi şirkəti ən böyük smartfon istehsalçıları reytinqinin ilk beşliyinə daxil ..

Diqqət çəkən sayda smartfon satışa çıxartmaqla Xiaomi şirkəti Huawei, Apple və Samsung ilə rəqabətə ..


Sony Xperia 3 flaqman smartfonu Geekbench testlərindən keçdi

Hələ sentyabr ayının sonunda məlum olmuşdu ki, Sony şirkəti yeni flaqman smartfon üzərində çalışır...


Windows 7 2023-ə qədər dəstək alacaq: Əgər 200 dollar versəniz

Microsoftun ən sevilən əməliyyat sistemi sözsüz ki, Windows 7-dir. Microsoft görünən odur ki, Windo..


Samsung az büdcəli 5G cihazlar üçün MediaTek ilə işləyəcək

5G texnologiyası bilindiyi kimi qismən bahalıdır. İstifadə edilən çiplər telefonların qiymətini arti..