Qatlana bilən Motorola RAZR smartfon modelinin satışları təxirə salındı
Elm & Texnologiya
22.12.2019
Emil Nəcəfov
Bu il qatlana bilən smartfon modellərindən heç biri vaxtında satışa çıxmadı. Samsung və Huawei özlərinin Galaxy Fold və Mate X smartfonlarındakı səhvləri aradan qaldırmaq və onları yenidən test etmək məqsədi ilə satışları təxirə saldılar. Həmin hal noyabr ayında təqdim edilmiş qatlana bilən Motorola RAZR smartfon modeli ilə də yaşandı. Bu barədə The Verge saytı xəbər verib.
Qeyd etmək lazımdır ki, yeni Motorola RAZR smartfon modeli 26 dekabr tarixində ilk öncə eksklüziv olaraq ABŞ-ın Verizon mobil operatorunda satışa çıxmalı idi. Faktiki olaraq satışlar 9 yanvar tarixinə planlaşdırılırdı. İndi isə istehsalçı sözügedən smartfonun satış tarixini təxirə salıb. Lakin Motorola RAZR-ın digər qatlana biən smartfonlardan fərqli olaraq əlavə testlərə və səhvlərin ortadan qaldırılmasına ehtiyac duymur.
Belə ki, smartfonun satış tarixinin təxirə salınmasının əsas səbəbi ona böyük tələbatın olmasındadır. Yəni 1499$ dəyərində olan smartfonu almaq istəyənlərin sayı çoxdur. Motorola RAZR modelinin dəqiq satış tarixi barəsində bir məlumat olmasa da güman etmək olar ki, o, yanvar və ya fevral ayında satışa çıxacaq.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!