Çinli markalardan olan Oppo'nun yeni modeli Find X ən incə çərçivəsi olan telefon olmağa namizəddir. Digər telefonlardan fərqli olaraq trendə uyğun davranmayıb çərtiksiz ekran ilə istifadəçiləri qarşılaması gözlənilən modelin ekran/gövdə nisbəti rekord dərəcədədir. Tanıdılmasına az müddət qalan model ilə bağlı bir neçə şəkil internetə sızdırıldı.

93.8% nisbəti mobil telefon bazarında rekord bir dəyərdir. Əgər deyilənlər doğrudursa, artıq tamamilə ekran adına uyğun tək model Oppo Find X olacaq. 19 İyun tarixində Parisda tanıdılacaq modellə bağlı ən maraqlı suallar ön kameranın, sensorların telefonun hansı hissəsində və necə yerləşdirilməsidir. Bu tarixdə Oppo şirkəti deyəsən öz adından bir xeyli söz etdirəcək.