OnePlus smart televizoru barəsində yeni məlumatlar ortaya çıxdı

OnePlus smart televizoru barəsində yeni məlumatlar ortaya çıxdı

Texnologiya
03.09.2019 PAYLAŞIM

    Amazon şirkətinin saytının Hindistan regionu üçün olan versiyasında OnePlus şirkətinin ilk smart televizor modelinin promo fotosu ortaya çıxıb. Həmin promo foto isə televizor barəsində yeni məlumatlar verib. Bu barədə Gagadget saytı xəbər verib. Beləliklə məlumata əsasən OnePlus şirkətinin ilk smart televizor modeli 4K keyfiyyətli 55 düym QLED ekrana sahib olacaq. Ekranın özü isə Dolby Vision texnologiyasını dəstəkləyəcək. Bu texnologiya ekranın rənglərini və parlaqlığını yaxşılaşdırır.


    Bununla yanaşı OnePlus TV 50 vatt gücündə 8 ədəd səsgücləndirici ilə təchiz olunacaq və Dolby Atmos texnologiyasını dəstəkləyəcək. Əvvəlki məlumat sızıntılarına əsasən OnePlus TV 1.5 GHz tezlikli 2 nüvəli MediaTek MT5670 prosessoru, Mali G51 qrafik sürətləndirici və 3 GB RAM ilə təchiz olunacaq. Televizor Android TV əməliyyat sistemi vasitəsilə çalışacaq.

    Şirkət minimum 3 il ərzində televizorun əməliyyat sistemi üçün yenilənmələri təqdim etməyi planlaşdırır. Qeyd etmək lazımdır ki, OnePlus TV 26 sentyabr tarixində Hindistanda təqdim olunacaq. Onun güman edilən satış qiyməti isə 500-600$-dır. Bu televizorun Redmi TV ilə Honor Vision televizor modellərinə rəqib olacağı gözlənilir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Xiaomi, 6G və Peyk İnterneti kimi gələcəyin texnologiyaları üzərində işləməyə ba..

Xiaomi şirkətinin rəsmilərinin verdikləri məlumata əsasən şirkət 6G və Peyk interneti kimi gələcəyin..


SpaceX yenə tarix yazdı: Şirkət uğurlu şəkildə astronavtları BKS-ə göndərdi (VİD..

 Uzun müddətdən sonra SpaceX şirkəti sonunda daxilində astronavtların olduğu Crew Dragon kosmik gəmi..


AMD-dən 10.nəsil Intel-ə yeni zərbə: 3 yeni prosessor gəlir

AMD şirkəti 10.nəsil Intel prosessorlarına yeni rəqiblər satışa çıxarır. Yeni Ryzen prosessorları tə..


Google axtarış sistemində dəyişiklik: Bu saytlar axtarış nəticələrində önə çıxac..

Google axtarış sistemi yaxın zamanda axtarış nəticələrində səhifələrin seçimi alqoritmində dəyişikli..


Linux-un atası Linus Torvalds illər sonra AMD prosessora keçdi: Niyə?

Linux əməliyyat sisteminin atası kimi tanınan Linus Torvalds illər sonra Intel prosessorlardan AMD-ə..


Samsung, Dual Pixel və Tetracell texnologiyalarını birləşdirən kamera sensorunun..

Samsung şirkəti Dual Pixel və Tetracell texnologiyalarını birləşdirən kamera sensorunun istehsalına ..

×