91mobiles saytı OnePlus şirkətinin ilk mexaniki klaviaturasının fotosunu əldə edib və onun barəsində bəzi məlumatları təqdim edib. Beləliklə verilmiş məlumata əsasən OnePlus şirkəti öz ilk mexaniki klaviaturasını 7 fevral tarixində təqdim etməlidir. Klaviatura ilk növbədə Hindistan bazarında satışa çıxacaq. Böyük ehtimal ilə müəyyən müddətdən sonra şirkət onu qlobal bazarda da satışa çıxardacaq. Təqdim edilmiş fotodan da görmək olar ki, klaviaturanın gövdəsi ağ rəngdə olacaq. Lakin klaviaturaının digər gövdə rənglərinə sahib olacağı da istisna deyil. Klaviatura həmçinin RGB işıqlandırma sistemini və üstəlik Windows ilə macOS arasındakı sürətli keçid düyməsini əldə edəcək. Klaviaturanın düymələri dəyişdirilə bilən olacaq. Onu kompüterə həm naqil həm də naqilsiz üsul ilə qoşmaq mümkün olacaq. Klaviatura özündə Bluetooth 5.2 texnologiyasını və USB Type-C ilə USB Type-A girişlərini birləşdirəcək.