Növbəti iPhone modellərinin alma loqoları işıq saçma özəlliyinə sahib ola bilərlər
Elm & Texnologiya
30.09.2019
Farid Pardashunas
Apple şirkətinin əldə etdiyi yeni patentə əsasən şirkət gələcək iPhone modellərinin arxa panellərindəki alma loqolarına işıqlanma özəlliyini əlavə edəcək. Bu barədə Gagadget saytı xəbər verib. Patentə əsasən gələcək iPhone modelindəki alma loqosu diod işıqları əldə edəcək və müxtəlif rənglərdə işıq saçacaq. İstifadəçilər isə loqonun hansı rəngdə işıqlanacağını və nə zaman işıqlanacağını özləri ayarlaya biləcəklər.
Məsələn loqonun işıqlanması vasitəsilə smartfon istifadəçiyə xəbər verə bilər ki, yeni daxil olan mesaj, bildiriş və ya buraxılmış zəng var. Smartfonun ayarlarında isə loqonun işıqlanma rəngini smartfon gövdəsi ilə eyni rəngdə etməklə bu cür bildirişləri gizlətmək olacaq. Qeyd etmək lazımdır ki, bu sadəcə olaraq patentdir və Apple şirkətinin onu öz məhsullarında reallaşdıracağı dəqiq deyil. Lakin bu ideya yeni bir ideya deyil. Belə ki, keçmiş MacBook modelləri uzun illər ərzində işıq saçan loqoya sahib olublar.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ