main-post-cover

    NASA agentliyi Aya astronavtların göndərilməsi layihələrini reallaşdıracaq 3 əsas şirkəti seçdi

    Elm & Texnologiya
    04.05.2020
    Emil Nəcəfov
        NASA agentliyi Artemis adlı kosmik proqram çərçivəsində Ay üçün eniş modulları üzrə layihələr hazırlayacaq 3 özəl kosmik şirkəti seçib. Seçilmiş şirkətlər bunlardır: SpaceX, Blue OriginDynetics. NASA agentliyi seçilmiş şirkətlərə ümumilikdə 967 milyon dollar vəsait ayırıb. Həmin şirkətlər 10 ay ərzində astronavtları Ayın səthinə çatdıra biləcək konsept layihələrini tamamlamalıdırlar. Bu barədə Vc.ru saytı xəbər verib.
    Artemis missiyasının əsas məqsədi 2024-cü ilə kimi astronavtları Ayın Cənub Qütbünə göndərmək və 2028-ci ilə kimi Aya daimi uçuş missiyalarını reallaşdırmaqdır.
        SpaceX şirkəti Starship kosmik gəmisinin Ay üçün olan versiyasını hazırlamaq yolunda NASA-dan 135 milyon dollar vəsait əldə edəcək. SpaceX-in layihəsinin uğurlu olacağı halda şirkət NASA-ya daha ucuz çox istifadəli raket təqdim edə bilər. Jeff Bezos-a məxsus olan Blue Origin şirkəti general vasitəçi rolunu oynayır. O, National Team adlı komandaya rəhbərlik edəcək.
    Sözügedən komanda daxilində Lockheed Martin, Northrop Grumman və Drapper kimi şirkətlər birləşiblər.
        National Team komandası Blue Moon eniş modulunun təkmilləşdirilməsinə, uçuş startı proqramının hazırlanmasına, sistemlərin layihələndirilməsinə, təhlükəsizliyin təmin olunmasına və missiyanın reallaşdırılmasına ümumilikdə 579 milyon dollar vəsait əldə edəcək. Lockheed Martin şirkəti çox istifadəli qalxma sisteminin hazırlanması, Northrop Grumman şirkəti keçid pilləsininin hazrlanması, Drapper şirkəti isə eniş və kompüter sistemlərinin hazırlanması ilə məşğul olacaq.
        Bu layihə Blue Origin New Glenn raketində reallaşdırılacaq. Dynetics şirkəti NASA-dan 253 milyon dollar vəsait əldə edəcək. Sözügedən şirkət Sierra Nevada Corporation şirkəti ilə birlikdə çox istifadəli kosmik aparat üzərində çalışır. NASA agentliyi Artemis missiyasında istifadə ediləcək yekun layihəni hələ seçməyib. 10 ay ərzində agentlik hər 3 şirkət tərəfindən hazırlanacaq layihələrin texniki hazırlıqlarını və perspektivlərini qiymətləndirəcək. Daha sonra isə NASA qalib olacaq şirkət ilə müqavilə bağlayacaq. 
    Linki kopyala