Biz artıq bir nəfərin PlayStation 2 konsolunun portativ versiyasını hazırlaması xəbərini yazmışdıq. Məşhur ixtiraçı və videoblogger Colin Furze daha maraqlı bir cihaz hazırlayıb. Colin əsasən müxtəlif növ cihazların hazırlanması ilə tanınır. Onun siyahısında, işlək vəziyyətdə olan motosiklet və Iron Man personajının məşhur geyiminin prototipi var. Son videolarından birində o, mikrodalğalı sobanı oyun konsoluna çevirib. Belə ki, Colin, mikrodalğalı sobanın ön hissəsinə ekran, kənar hissəsinə isə gamepadın qoşulması üçün xüsusi panel yerləşdirib. Play-o-Wave adlandırdığı konsolda Colin, velosiped yarışlarına aid köhnə oyunu işə salıb. Bununla yanaşı mikrodalğalı sobanın öz əsas funksiyası (yeməkləri isitmək) olduğu kimi qalıb. Qeyd etmək lazımdır ki, bütün bu ideyaları istifadəçilər özləri təqdim edir. Colin isə ən maraqlı olanları seçib onları reallaşdırır.