Məşhur insayder OnePlus 8 Pro'nun render fotolarını təqdim etdi
Elm & Texnologiya
18.10.2019
Farid Pardashunas
OnLeaks ləqəbi ilə tanınan məşhur insayder gələcək OnePlus smartfon modellərinin render fotolarını təqdim etməyə davam edir. Bu ayın əvvəlində o, OnePlus 8 modelinin render fotolarını təqdim etmişdi. İndi isə insayder OnePlus 8 Pro modelinin render fotolarını təqdim edib. Bu barədə Gagadget saytı xəbər verib. Təqdim edilmiş fotolardan da görmək olar ki, OnePlus 8 Pro modeli bu il satışa çıxmış OnePlus 7 Pro-dan xarici görünüşcə heç də fərqlənməyəcək.
Smartfon 20:9 nisbətli genişformatlı ekran, ekran üzərində ön kamera üçün kiçik dairəvi hissə (ekranın yuxarı sol hissəsində) əldə edəcək və ekranın qıraqları əyilmiş formada olacaq. Smartfonun arxa panelində 4 kamera modulunu, lazer avtofokusunu və LED işıqlandırma sistemini görmək olar. Məlumata əsasən smartfon 6.65 düym ekrana sahib olacaq. Bununla yanaşı OnePlus 8 Pro-nun Snapdragon 865 prosessoru və 12 GB RAM ilə də təchiz olunacağı gözlənilir. OnePlus 8 seriyasını yaxın müddətdə gözləmək lazım deyil. Çox güman ki, smartfonların təqidmatları gələn ilin yaz fəslində baş tutacaq.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)