Apple markasının ən çox istifadə edilən cihazlarından biri də MacBook Pro-lardır. Lakin incəliyi səbəbi ilə ən gückü video kartları dəstəkləmir. Hər il yenisini almaq da olmur, çünki çox bahadır. Belə olan halda istifadəçilər eGPU ( External Graphics Processor Unit) adlanan xarici videokartlardan istifadə edərək parametrləri artırırlar. İndi isə Apple öz istehsalı olan Blackmagic eGPU cihazını təqdim etdi.

     Əvvəllər istifadəçilər bir sıra xüsusi proqramlar vasitəsilə Razer kimi şirkətlərin eGPU cihazlarını MacBook cihazlarına qoşurdular. Apple, WWDC 2017-də rəsmi olaraq eGPU dəstəyinin MacBook-lara gələcəyini bildirdi və High Sierra 10.13.4 versiyasında sözünü tutdu. Apple istehsalı olan Blackmagic eGPU vasitəsilə 15 inch ekranlı MacBook Pro-nun qrafika performasi 2.8 dəfə, 13 inch ekranlı MacBook Pro-nun qrafika performansı isə 8 dəfə artır. Səssiz soyudma sisteminə malik bu cihazda 2 ədəd Thunderbolt 3 portu, 4 ədəd USB 3.0 portu və 1 ədəd HDMİ 2.0 portu mövcuddur.