Lenovo şirkəti CES 2021 sərgisi çərçivəsində ThinkReality A3 adlı AR eynəkləri təqdim edib

Lenovo şirkəti CES 2021 sərgisi çərçivəsində ThinkReality A3 adlı AR eynəkləri təqdim edib

Texnologiya
12.01.2021 PAYLAŞIM

    CES 2021 sərgisi çərçivəsində Lenovo şirkəti ThinkReality A3 adlı təkmilləşdirilmiş AR (artırılmış reallıq) eynəkləri təqdim edib. Sözügedən eynəklər lazımi məlumatı rahat şəkildə əlçatan etməklə həm masa arxasında iş zamanı həm də kənar mühitdə olan zaman istifadəçinin imkanlarını genişləndirir. Lenovo ThinkReality A3 eynəkləri adi eynəyə maksimal dərəcədə oxşayan dizaynda reallaşdırılıb və iki versiyada təqdim olunub. Birinci versiya kompüterlərə ikinci versiya isə USB Type-C vasitəsilə Motorola smartfonlarına qoşulur.


    Kompüterlərə qoşulan versiya ofis mühitində çalışan əməkdaşların produktivliyini yüksəltmək üçün, ikinci versiya isə daha çox daimi hərəkətdə olan şəxslər üçün nəzərdə tutulub. Buna misal olaraq, fabrik, anbar, laboratoriya və müxtəlif mağazaların işçilərini gətirmək olar. Bu AR eynəklər Snapdragon XR-1 prosessoru ilə təchiz olunublar. Qeyd etmək lazımdır ki, Qualcomm-un bu prosessoru xüsusi olaraq AR eynəklər üçün nəzərdə tutulub. Virtual kontentin əks olunması üçün eynəklər 2 ədəd 1080p keyfiyyətli ekranla təchiz olunublar.

    Eynəklərin kənar hissələrində olan 2 ədəd ultragenişbucaqlı kamera istifadəçiyə ətraf mühiti nəzarətdə saxlamağa, mərkəzi hissədə olan 8 MP-lik RGB kamera isə çəkiliş aparmağa imkan verir. Məsələn istifadəçi öz gözlərilə gördüyü hər bir şeyi canlı yayım vasitəsilə digərləri ilə bölüşə bilər. Bu halda eynəklərə quraşdırılmış mikrofon və səsgücləndiricilər vasitəsilə digərləri ilə əlaqə yaratmaq mümkündür. ThinkReality A3 PC Edition kompüterə qoşularaq istifadəçinin gözləri önündə 5 böyük virtual ekranı əks etdirə bilir.

    Həmin ekranlarda isə müxtəlif Windows tətbiqlərini işə salmaq olar. Beləliklə istifadəçi kompüter arxasında çalışarkən gözləri önündə müxtəlif lazımi məlumatlar əks olunacaq və bu halda kompüterdə bir tətbiqdən digərinə keçid etməyə ehtiyac qalmayacaq. Bu isə öz növbəsində işçinin produktivliyini yüksəldəcək. Smartfona qoşulan ThinkReality A3 Industrial Edition modeli vasitəsilə ştrix kodları skan edərək faydalı məlumatları əldə etmək olar. Bu halda isə kompüterdən istifadəyə ehtiyac qalmayacaq. Sözügedən eynəklər bu ilin ortasında bir sıra ölkələrdə satışa çıxacaqlar.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Dimensity 1200 və Dimensity 1100: MediaTek 5G dəstəkli 2 yeni mobil prosessoru t..

MediaTek şirkəti rəsmi olaraq 2 yeni mobil prosessoru təqdim edib. Söhbət, Dimensity 1200 və Dimensi..


Elektromobillər üçün sürətli şarj texnologiyasına sahib yeni növ litium-ion bata..

İsrailin StoreDot adlı startapı elektromobillər üçün nəzərdə tutulmuş yeni növ litium-ion batareyası..


Qualcomm büdcəli flaqman smartfonlar üçün 8 nüvəli Snapdragon 870 prosessorunu t..

Qualcomm şirkəti heç gözlənilmədən Snapdragon 870 adlı yeni mobil prosessoru təqdim edib.


İnsayderlər: MediaTek şirkəti Dimensity seriyasına daxil olacaq yeni flaqman pro..

Son zamanlar bazarda ən böyük prosessor istehsalçılarından birinə çevrilmiş MediaTek şirkəti artıq s..


Apple smart saatlar üçün unikal autentifikasiya texnologiyası üzərində çalışır..

Apple şirkətinin demək olar bütün cihazlarında biometrik autentifikasiya sistemi mövcuddur. İstisna ..


Apple M1-ə rəqib?: Qualcomm noutbuklar üçün nəzərdə tutulmuş yeni prosessor üzər..

Apple şirkətinin öz kompüterlərində fərdi prosessordan istifadəyə keçid etməsi uğurla baş tutdu...

×