Kimbal Musk gələcəyin fermerləri üçün məktəb proqramını işə salır
18.01.2018
Farid Pardashunas
Kimbal Musk-ın Big Green adlı yeni qeyri-kommersiya təşkilatı bütün ABŞ üzrə yüzlərlə məktəblərdə təlim məqsədli kiçik bostanlar tikəcək.
Həmin kiçik bostanlar sayəsində
yüksək sinif şagirdləri öz fermer bizneslərini qura və bununla da ildə 400$ vəsait
qazana bilərlər. Kimbal Musk ümid edir ki, onun bu yeni layihəsi yeni nəsil
fermerlərin yetişdirilməsinə və uşaqların fast-food-dan sağlam qidaya keçid etmələrinə
yardımçı olacaq. Big Green təşkilatı bu ilin Aprel ayında Detroitin 100 məktəbində
100 ədəd kiçik bostan quraşdıracaq. Bu layihəyə sponsorlar 5 milyon dollar vəsait
ayırıblar. Məktəblilərin fermerlik və sahibkarlıq bacarıqlarına yiyələnmələri
üçün təşkilat ümumilikdə 25 milyon dollar vəsait xərcləyəcək.
Business Insider
saytının məlumatına əsasən 2020-ci ilə kimi ABŞ-ın 4 ştatının hər birində
(Kolorado, Kentukki, Kaliforniya və Texas) 100 ədəd bu cür kiçik bostanlar
quraşdırılacaq. Big Green-in təsisçisi Kimbal Musk ilk il deyil ki, bu cür
layihə ilə məşğul olur. Hələ 2011-ci ildə o, ABŞ-ın 300-ə yaxın məktəb və uşaq
baxçasında Learning Gardens adlı proqramı işə salmışdı. 2017-ci ilin sonuna
kimi məktəb və uşaq baxçalarının sayı 425-ə çatdı. Kiçik fermalar vasitəsilə
Musk uşaqlara əsl qidanın nə olduğunu göstərməyi və onların sağlam qidaya yönlənmələrini
istəyir.
Yuxarı sinif şagirdləri üçün bu cür bostanlar həmçinin yaxşı gəlir mənbəyi
hesab olunur. Belə ki, onlar özləri tərəvəzləri yetişdirir və daha sonra onları
bazarlarda satır və ya yerli restoranlara təqdim edirlər. Məsələn “Google” şirkətinin
Çikaqodakı ofisinin yeməkxanası tərəvəz məhsullarını məktəblilərdən alır. İl ərzində
fermer işinə başlamış məktəbli 400$-a kimi vəsait əldə edə bilər. Elon Musk-ın
qardaşı Kimbal Musk üçün fermalar yüz illərlə dəyişməyən və keçmişdə qalmış bir
sahə deyil.
Onun “Square Roots” adlı şirkəti tərəvəz yetişdirmək üçün şaquli
ferma konteynerləri hazırlayır və gələcəkdə həmin konteynerlər ABŞ-ın bir çox şəhərlərində
yayılmalıdırlar. Hər bir konteyner gündəlik 30 litr su istifadə edərək həftə ərzində
22.6 kq yarpaq tərzli tərəvəzlər yetişdirir. Kimbal Musk həmçinin eyniadlı
ferma akseleratorunu idarə edir. Həmin akselerator gələcəyin ferma üzrə
sahibkarlarını yetişdirir. Mütəxəsssilər artıq Kimbal Musk-ın bu yanaşmasını
onun böyük qardaşı Elon Musk-ın yanaşması ilə eyni səviyyədə tuturlar. Belə ki,
Elon Musk energetik infrastruktur qurmaqla, kosmik sahəni dəyişdiyi bir vaxtda
Kimbal Musk kənd təsərrüfatı sahəsində inqilab yaratmaq istəyir.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!