Kaliforniyalılar sürücüsüz avtomobillərə hücum çəkirlər
09.03.2018
Orxan Oguz
Transformers filmindən bir
fraqment kimi görünsə də hirsli vətəndaşlar bəlkə də filmdəki Deception adlı
pisniyyət robotların müasir qarşılığı kimi gördükləri vasitələrə qarşı mübarizə
aparırlar: sürücüsüz avtomobillərə qarşı!
Kaliforniya Nəqliyyat Agentliyininməlumatına görə bu ilin ilk 2 ayında insanlar sürücüsüz avtomobillərə bir neçə
dəfə hücum ediblər. Rəsmi statistika isə
belədir: Bu ilin Yanvar və Fevral aylarında sürücüsüz avtomobillər 6 yol
qəzasının baş verməsində rol oynayıblar. Bunlardan ikisində, yol kənarında
dayanan maşınlar vurulub. Üçüncü hesabatda bildirilib ki, yolu keçmək istəyən
piyada onun üzərinə sürətlə gələn və sonradan toxunan Chevy Bolt-a hücum çəkib.
Avtomobil avtopilot rejimində idi, amma, dövlət qanununa uyğun olaraq sükan
arxasında insan var idi. Qəzadan sarsılan piyada
avtomobilin arxasınca sürətlə qaçaraq uzun müddət nalayiq ifadələr işlətdi.
Daha sonra Chevy-nin sol arxa işığına ziyan vuraraq yolun qarşı tərəfinə keçdi.
Üçüncü hadisənin də əsas
anti qəhrəmanı San Fransiskolu Chevy Bolt sayılır. Bu dəfə də sükan arxasında
sürücü əyləşmişdi. Amma bütün bunlara baxmayaraq, avtomobil yol kənarında
dayanan və taksi funksiyası yerinə yetirən nəqliyyat vasitəsinə arxadan zərbə
endirdi. Toqquşmanın sürəti azaldıqdan sonra nəqliyyat vasitəsinin sürücüsü hirslə
sürücüsüz avtomobilə doğru yönəldi. Los Angeles Times xəbərinə görə o, əlindəki
ağır əşya ilə ön sərnişin pəncərəsinə zərbə endirmək istədi.
Xoşbəxtlikdən bütün
hallarda yaralanma və ya ölüm hadisəsi baş verməyib. Chevy Bolt Cruise
istehsalçısı "General Motors" isə hələ ki, bu hadisələrə hər hansısa bir reaksiya
verməkdən çəkinir.
Təbii ki, avtopilot sisteminə sahib avtomobillərin sayının Kaliforniyada bu qədər çox olması təsadüfi deyil. Dövlət,
avtomobil istehsalçılarının avtopilot sistemli nəqliyyat vasitələrini
yoxlamasına icazə verir və yəqin ki, yaxın müddətdə ümumiyyətlə avtopilot sistemli avtomobillərə də icazə gələcək.
Amma çox maraqlı bir
məsələyə toxunmadan keçmək istəmirəm. Sözügedən taksi qəzasında sürücünün bu
cür aqressiya göstərməsinin daha məntiqli səbəbləri də ola bilər. Avtomobilinə
elə də ciddi ziyan dəyməmişdi, amma, görünür sürücünü ən çox gələcək rəqibinin
mövcudluğu narahat edirdi.
Yerli xəbər
agentliklərindən birinin bəyanatına görə, 2017-ci ilin dekabrında Chevy Bolt
bir insanın yaralanmasına səbəb olan qəzada böyük rol oynamışdı. Bəlkə də elə
bu səbəbdən taksi sürücüsü həm öz iş yoldaşlarını qorumaq, həm də peşəsinin insanlara
ehtiyac duyduğunu bildirmək istəyib.
Amma sonda məsələyə başqa
tərəfdən baxsaq bizə məlum olur ki, sürücüsüz avtomobil yuxusuzluq, sərxoşluq
və ya psixoloji pozğunluq kimi problemlərin digərlərinə zərər yetirməməsi
deməkdir.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)