iPhone SE 2 ilə bağlı ilkin məlumatlar ortaya çıxdı
Elm & Texnologiya
02.12.2019
Nijat Hamid
iPhone SE modeli giriş seqmenti bir cihaz olaraq istifadəçilər tərəfindən çox bəyənilmişdi. Həm Apple-ın ikonik dizaynı, həm qiyməti, həm də parametrləri ilə qane edici bir cihaz idi. Uzun zamandır ki, Apple şirkətinin yeni bir SE 2 modeli istehsal edəcəyi danışılır. Təbii ki, rəsmi mənbələr tərəfindən isbatlanmadığı üçün ortada bir məlumat yoxdu. Bu gün aşkarlanan məlumatlara görə şirkət bu aydan etibarən iPhone SE 2 modeli üçün detalları toplamağa başlayacaq.
Çinli bir mənbənin dediklərinə görə iPhone SE 2 telefonu A13 Bionic çipseti ilə istehsal olunacaq və növbəti 3-4 ay ərzində telefon təqdim ediləcək.
Çinli mənbəyə görə Cupertino mərkəzli firma bu aydan etibarən iPhone SE 2 modelinin istehsalında istifadə olunacaq detalları bu aydan etibarən toplamağa başlayacaq. İlk ağıla gələn fikir isə artıq cihazın dizaynının hazır olduğudur. Bundan daha əvvəl Tianfeng International-da analist olaraq işləyən Guo Mingyu bildirmişdi ki, Apple şirkəti 2020-nin ilk rübündə, təxminən Mart aylarında SE 2 modelini təqdim edəcək. və cihaz əsasən iPhone 8-ə bənzər olacaq. Cihazın dizaynı ilə bağlı bir görüntünün sızdırılmadığı üçün bu deyilənlərin nə qədər doğru olduğunu bilə bilmərik.
iPhone SE 2 modeli üçün təxmin olunan parametrləri aşağıdakı kimidir:
- Prosessor: Apple A13 Bionic
- Ram: 3 Gb LPDR4X
- Yaddaş: 64/128 GB
- Rəng seçimləri: Boz, Qırmızı, Ağ
Qiymət olaraq isə ilkin parametrlərdə 399 Dollardan satışa çıxması gözlənilir. Qeyd edək ki, SE 2 modeli üçün 5G nəzərdə tutulmaya bilər. Çünki 5G modulunun əlavə edilməsi cihazın qiymətini artıracaq və giriş seqmenti üçün bahalı bir cihaz olacaqdır.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək