main-post-cover

    İnternetin ən vacib və maraqlı fikirlərindən birinin, 14 ildən sonra səhv olduğu aşkar edildi

    Elm & Texnologiya
    14.08.2017
    Emil Nəcəfov

    Şifrə yaradılması üzrə ənənəvi tövsiyə üsulu bütün internet istifadəçilərinə məlumdur.

    Bu cür şifrəni yaradarkən o, müxtəlif hərflərdən, rəqəmlərdən və simvollardan ibarət olmalıdır. Bu qaydaları, ABŞ-ın Standartlaşma və Texnologiyalar üzrə milli institutunun keçmiş meneceri Bill Burr tərtib edib. 2003-cü ildə o, təhlükəsiz şifrələrin qaydalarını xüsusi sənəddə qeyd etmişdi. Bununla yanaşı bu qaydalar, çox adam tərəfindən bilinməsə də, dünyanın ən böyük aldanmalarından biri olduğu aşkar edilib. İndi 72 yaşlı Bill Burr öz səhvi ucbatından utanc hissi keçirdir və o, təhlükəsiz şifrənin əslində necə yaradılmasını izah edib. 2003-cü ildə Bill Burr, şifrələr haqqında çox az bilirdi və o sadəcə olaraq öz işini yerinə yetirirdi. O bu cür səhv məlumatın necə yarandığını başa salıb. “Mən etdiyim bir çox şeylərə görə təəssüf hissi keçirdirəm. Şifrələrin bu cür yaradılması üsulu, 1980-ci illərdəki məlumatlara əsasən hazırlanıb. Həmin vaxtlarda isə internet, irimiqyaslı şəkildə aktiv deyildi. Nəticədə bu üsul qarışıq və səhv şəkildə alınıb” – deyə o bildirib. Bu dəfə isə Bill Burr, səhv etməyib. Belə ki, hesablamalar göstərib ki, yadda qalan uzun sözlərdən ibarət şifrələrdən fərqli olaraq təsadüfi simvollardan ibarət qısa şifrələri hack etmək çox asandır. İki cür şifrə növünün fərqini, komiks şəklində göstəriblər.

    Linki kopyala