Hyundai şirkəti gələcəyin avtomobillərinə 35 milyard dollar investisiya yatıracaq

Hyundai şirkəti gələcəyin avtomobillərinə 35 milyard dollar investisiya yatıracaq

Texnologiya
21.10.2019 PAYLAŞIM

    Cənubi Koreya prezidenti Moon-Jae-in düşünür ki, 2030-cu ilə kimi Cənubi Koreya yollarında olacaq nəqliyyat vasitələrinin yarısını avtonom sistemli avtomobillər təşkil edəcəklər. Lakin hal hazırki mərhələdə Koreyadan olan şirkətlər həm texniki həm də proqram təminatı tərəfdən öz xarici rəqiblərindən geridə qalırlar. Bu problemin həllini Hyundai Motor Group şirkəti öz üzərinə götürüb. Bu barədə Reuters saytı xəbər verib. Şirkətin yeni təşəbbüsü çərçivəsində yeni texnologiyalara 35 milyard dollar investisiyalar yatırılacaq.

    Şirkət vəsaitləri 2025-ci ilə kimi hissə-hissə ayıracaq. Bu yeni iddialı plan avtonom sistemli avtomobillərin yaradılmasında rəqabət səviyyəsinin yüksəldilməsi üçün nəzərdə tutulub. Bundan əlavə olaraq Cənubi Koreya hökuməti də öz dəstəyini təqdim edəcək. Belə ki, hökumət əlavə olaraq 1.6 milyard dollar investisiyanı bu sahəyə yatıracaq. “Avtonom sistemli avtomobillər bazarı yeni iş yerlərinin yaradılması və iqtisadiyyatın qüvvətləndirilməsi üçün əla fürsətdir” - deyə Cənubi Koreya prezidenti bildirib.

    Hökumət ümid edir ki, Hyundai şirkəti 2024-cü ilə kimi məhdud sayda insanlar üçün 4-cü səviyyəli avtonom sistemə sahib avtomobilləri təqdim edəcək. Bütün insanlar üçün isə bu cür avtomobillərin 2027-ci ildə istifadəyə verilməsi planlaşdırılır. Bir sıra analitiklərin fikirlərinə əsasən Hyundai şirkətinin bu planlarının reallaşdırılma müddətləri mümkünsüzdür. Hal hazırda şirkət yüksək texnologiyaları xaricdən almaq məcburiyyətindədir. Buna baxmayaraq şirkət öz qərarlarına optimistik yanaşır və avtonom sistemli nəqliyyat növlərindən başqa 2025-ci ilə kimi uçan avtomobillərin işə salınmasından və hidrogen yanacaqlı elementlər əsasında çalışacaq avtomobillərdən də danışır. 



SİZƏ MARAQLI OLACAQ BİR NEÇƏ MƏLUMAT


Samsung təkrar Çinə qayıdır: Telefonlar ucuzlaşa bilər

Günlər əvvəl Samsung Çindəki istehsal zavodunu bağlamasına baxmayaraq telefonların istehsal qiymətin..


Bakutel - 25-ci Yubiley Telekommunikasiya, İnnovasiya və Yüksək Texnologiyalar s..

25 illik yubiley münasibəti ilə Telekommunikasiya, İnnovasiya və Yüksək Texnologiyalar sərgisində mö..


AMD daha da güclənir: Zen 3 arxitekturası möhtəşəm olacaq

AMD şirkəti son 3 ildə yeni arxitekturaya keçərək İntel şirkətinin tam rəqibi halına gəldi. Həm daha..


OnePlus 8 Pro'nun rəsmi sxematik fotoları ortaya çıxdı

True-tech saytının jurnalistləri özündə OnePlus 8 Pro smartfon modelinin rəsmi sxematik təsvirlərini..


Samsung'un ikinci qatlana bilən smartfonu W20 5G

Əvvəlcədən də planlaşdırıldığı kimi Samsung şirkəti Çində öz ikinci qatlana bilən smartfon modeli W2..


Redmi K30 barəsində yeni məlumatlar aşkar edildi

XDA-Developers saytının baş redatoru Mishaal Rahman, MIUI 11 istifadəçi interfeysinin sonuncu beta v..