Huawei şirkəti özünün yeni büdcəli smartfonu olan P Smart (2019)-nu təqdim edib
Elm & Texnologiya
13.12.2018
Farid Pardashunas
Huawei şirkəti dünən özünün yeni büdcəli smartfon modeli olan P Smart (2019)-nu təqdim etdi. Yeni model bu ilin yanvar ayında təqdim edilmiş P Smart smartfonunun davamçısı oldu. Beləliklə smartfon şüşə gövdəyə və Full HD+ keyfiyyətli 6.21 düym IPS ekrana sahibdir. Bununla yanaşı ekran üzərində V şəkilli çıxıntı hissə yerləşdirilib.
Əsas texniki göstəricilərə gəldikdə isə Huawei P Smart (2019) modeli Kirin 710 prosessoru, ikinci nəsil GPU Turbo qrafik sürətləndirici, 3 GB RAM, 64 GB daxili yaddaş həcmi (256 GB-a kimi microSD dəstəkli), 3400 mAh enerji tutumlu batareya, 13 MP + 2 MP ikili arxa kamera (süni zəka funksiyaları dəstəkli) və 8 MP-lik ön kamera ilə təchiz olunub.
Smartfon həmçinin ənənəvi 3.5 mm-lik audiogiriş və Google Pay ödənişləri üçün NFC modulu dəstəyinə də sahibdir. Yeni Huawei P Smart EMUI 9 interfeysli Android 9.0 Pie əməliyyat sistemi vasitəsilə çalışır. Smartfon ilk dəfə olaraq Ukraynada təqdim olunduğu üçün artıq 21 dekabr tarixində orda 234$ qiymətində satışa çıxacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək