GoPro şirkəti özünün yeni action kamera modellərinin təqdimat tarixlərini elan etdi. Bu il təqdimat tədbiri 1 oktyabr tarixində baş tuutacaq. Daha əvvəllər isə şirkət öz kameralarını sentyabr ayında təqdim edirdi. Bu barədə Digger.ru saytı xəbər verib. Məlumata əsasən şirkət təqdimat tədbiri çərçivəsində GoPro Hero 8 Black və GoPro Fusion-un davamçısı olacaq GoPro Max-ı təqdim edəcək. Gözləntilərə əsasən Hero 8 Black modeli saniyədə 120 kadr sürətlə 4K keyfiyyətli və saniyədə 480 kadr sürətlə Full HD keyfiyyətli videolar çəkə biləcək.