Google şirkəti Çin üçün olan Dragonfly adlı axtarış sistemi layihəsini bağladı
Elm & Texnologiya
17.07.2019
Farid Pardashunas
Google şirkəti senzura sistemini özündə birləşdirən və Çin bazarı üçün nəzərdə tutulan Dragonfly adlı axtarış sisteminin hazırlanmasını dayandırıb. Bu barədə Engadget saytına istinadən Vc.ru saytı xəbər verib. Daha sonra Google şirkətinin mətbuat xidməti bildirib ki, şirkət Dragonfly layihəsi üzərində işləri dayndırıb və Çin bazarı üçün axtarış sistemini işə salmayacaq. Keçən ilin avqust ayında The Intercept saytı bildirmişdi ki, Google şirkəti çinlilərin axtarış sorğularını izləmək üçün 2008-ci ildə Çinin 265.com saytını almışdı.
Məhz həmin axtarış sorğularının izlənməsi əsasında Dragonfly layihəsi yaradılmışdı. Daha sonra Google şirkətinin daxilində BeaconTower adlı alət yaradıldı. Bu alət Çində qadağan edilmiş minlərlə saytların siyahısını tərtib etməyə imkan verirdi. Daha sonra həmin alət Dragonfly layhəsinə inteqrasiya edildi. Beləliklə bu üsulla Çində Wikipedia və BBC kimi saytlar bloklana bilərdi. Şirkət Dragonfly layihəsi üzərində çalışdığı barəsində ilk məlumatı keçən ilin oktyabr ayında vermişdi.
Bu məlumatdan sonra Google şirkətinin 300-ə yaxın əməkdaşı Amnesty International təşkilatının aktivistlərinə qoşularaq şirkətdən bu layihəyə son qoyulmasını tələb etmişdi. Onların fikrincə bu layihə güclülərin zəifləri izləməsinə şərait yaradır. Keçən ilin dekabr ayında isə The Intercept saytı bildirmişdi ki, Dragonfly layihəsi barəsində məlumat sızıntısı və bu layihəyə olan çoxlu sayda neqativ fikirlər səbəbilə Google şirkəti Dragonfly layihəsini təxirə salıb.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək