Google Pixel 4 smartfonu London metrosunda görülüb
Elm & Texnologiya
15.07.2019
Farid Pardashunas
9to5google saytının oxucularından biri London metrosunda, əlində Google Pixel 4 smartfon modelini tutmuş istifadəçinin fotosunu çəkib. Bu barədə Gagadget saytı xəbər verib. Təqdim olunmuş fotoda əks olunmuş smartfon xüsusi keysdədir. Onun arxasında yerləşən kamera modullarından belə qənaətə gəlmək olar ki, söhbət həqiqətən də yeni Pixel smartfon modelindən gedir.
Bu cür kamera modullarının yerləşdirilməsini biz əvvəlki render fotolarında da görmüşdük. Smartfonun arxasında üç kamera modulu, LED işıqlandırma sistemi və mikrofon yerləşdirilib. Arxa paneldə barmaq izi skanı texnologiyası yoxdur. Son məlumat sızıntılarına əsasən Google Pixel 4 modeli OLED ekran, Snapdragon 855 prosessoru, 6 GB RAM, xüsusi ötürücü ilə Project Soli çipinə sahib Face Unlock texnologiyası ilə təchiz olunacaq.
Qeyd etmək lazımdır ki, Project Soli çipi istifadəçinin üz mimikalarını yüksək sürətlə təyin etməyə imkan verir. Faktiki olaraq bu, Face ID texnologiyasının analoqudur. Smartfon barəsində hələki digər bir məlumat yoxdur. Çox güman ki, yeni Google Pixel smartfon seriyası bu ilin oktyabr ayında təqdim olunacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək