Google Android əməliyyat sistemində olan öz tətbiqlərinə kəskin lisenziya qiymətləri tətbiq etdi

Google Android əməliyyat sistemində olan öz tətbiqlərinə kəskin lisenziya qiymətləri tətbiq etdi

Texnologiya
20.10.2018 PAYLAŞIM

    Android əməliyyat sistemli smartfonların istehsalçıları Google şirkətinə Play Store və şirkətin digər servislərinin öz smartfon modellərinə quraşdırılması üçün lisenziya ödənişi edəcək. Qeyd etmək lazımdır ki, söhbət yalnız Avropa İqtisadi Zonasına daxil olacaq smartfon modellərindən gedir. Yəni Avropa ərazisində satılacaq smartfonlardan söhbət gedir. The Verge saytının verdiyi məlumata əsasən Android smartfon istehsalçıları Google şirkətinə hər bir smartfona yazılmış Google servislərinə görə 40$ ödəyəcək.

    Qeyd etmək lazımdır ki, Google şirkəti smartfon istehsalçıları ilə əməkdaşlıq qaydalarının dəyişilməsi barəsində xəbəri 16 Oktyabr tarixində bildirmişdi. Bunun əsas səbəbi isə Avropa Komissiyasının şirkəti 5 milyard dollar dəyərində cəzalandırması olub. Avropa Komissiyası şirkəti əməliyyatlar sistemi bazarındakı monopoliyasına görə cəzalandırmışdı. Şirkətin yeni qaydaları Google Mobile Services paketinin quraşdırıldığı və 1 Fevral 2019-cu il tarixindən Avropa İqtisadi Zonasında satışa çıxacaq smartfon və planşet modellərinə aiddir.

Bənzər xəbər


    Avropa İqtisadi Zonasına Avropa Birliyinin 28 ölkəsi daxildir. The Verge saytının verdiyi məlumata əsasən Google şirkətinin istehsalçılardan alacağı lisenziya ödənişlərinin miqdarı smartfon və planşetlərin satışa çıxacaqları ölkədən və cihazların ekranlarının hər bir düymü üzrə piksellərin sıxlığı (PPI) göstəricilərində asılı olacaq. Piksellərin sıxlığı nə qədər yüksəkdirsə cihaz da bir o qədər bahadır.

- Ən yüksək qiymət göstəricisi: Hər cihaza görə 40$. Bu qymət göstəricisi İngiltərədə, İsveçdə, Norveçdə, Almaniyada və Niderlandda satışa çıxacaq cihazların ekranlarının hər bir düymünə düşən piksellərin sıxlıqlarının 500-dən yuxarı olanları üçün təyin edilib.

- 400-500 PPI göstəricili cihazlar üçün lisenziya ödənişi 20$ təşkil edəcək.

- 400 PPI-dan aşağı göstəricili cihazlar üçün lisenziya ödənişi 10$təşkil edəcək. Bəzi ölkələrdə isə bu göstərici hər cihaza görə 2.5$ olacaq.

- Avropa İqtisadi Zonasında satışa çıxacaq bütün planşet modelləri üçün isə lisenziya ödənişi standart olaraq 20$ təşkil edəcək.

    Bundan əlavə olaraq Google şirkəti bundan sonra öz cihazlarının ana ekranlarında Chrome Google Search servislərini yerləşdirmiş istehsalçılar ilə öz gəlirini bölüşməyəcək. Bunun əvəzinə şirkət istehsalçılara digər təklifi təqdim edəcək. Belə ki, sözügedən servislərin əsas elementlər kimi öz cihazlarına yerləşdirmiş istehsalçılara lisenziya ödənişlərində endirim paketləri təklif olunacaq. Google şirkəti isə öz növbəsində bu xəbər barəsində fikir bildirməkdən imtina edib.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Meta-nın ilk smart saatının fotoları təqdim edilib

Hələ 2021-ci ildə məlumat ortaya çıxmışdı ki, Meta şirkəti öz ilk smart saatı üzərində çalışır...


Naqilsiz Nothing Ear (2) qulaqlıqlarının fotoları təqdim edilib

Hələ dünən məlum oldu ki, Nothing şirkəti artıq Nothing Phone (2) smartfonu üzərində çalışır və o bu..


Xiaomi-nin ilk elektromobilinin yeni fotoları ortaya çıxıb

Xiaomi şirkətinin ilk elektromobili dəfələrlə insayderlərin kameraları vasitəsilə çəkilib...


Apple şirkətinin ilk qarışıq reallıq (AR + VR) cihazının unikal özəllikləri barə..

Bloomberg saytının məşhur insayderi Mark Gurman-ın sözlərinə əsasən Apple şirkəti öz ilk qarışıq rea..


Xiaomi-nin ilk elektromobilinin dizayn özəllikləri sərgilənib

Xiaomi şirkəti öz ilk elektromobili barəsində istənilən məlumatı hələ ki, sirr olaraq saxlayır...


OnePlus-ın ilk mexaniki klaviaturasının fotosu təqdim edilib

91mobiles saytı OnePlus şirkətinin ilk mexaniki klaviaturasının fotosunu əldə edib və onun barəsində..

×