Gələn ildən etibarən istehsalçılar məcburi şəkildə öz smartfonlarına Android 10 quraşdırmalı olacaqlar
Elm & Texnologiya
08.10.2019
Emil Nəcəfov
Keçən ayın əvvəlində Google şirkətinin yeni əməliyyat sistemi olan Android 10 istifadəyə verilmişdi. Lakin buna baxmayaraq smartfon istehsalçıları hələ də Android Pie əməliyyat sistemi ilə çalışan smartfonları satışa çıxardırlar. Gələn il isə bu vəziyyət dəyişəcək. Bu barədə XDA-Developers saytı xəbər verib. Belə ki, gələn ilin fevral ayından başlayaraq Google şirkəti smartfon istehsalçılarını məcburi şəkildə Android 10-a keçirdəcək.
Başqa sözlə desək, 31 yanvar 2020-ci il tarixinə kimi smartfonlar Android Pie ilə birlikdə satışa çıxa bilərlər. Lakin fevral ayından başlayaraq istehsalçılar öz smartfonlarına Android 10-u quraşdırmalı olacaqlar. Əgər cihazlar köhnə Android versiyasında çalışsalar, Google şirkəti həmin istehsalçılara GMS (Google Mobile Services) lisenziyasını verməyəcək. Qeyd etmək lazımdır ki, GMS Google tətbiqləri paketidir. Ora Play Market və Google şirkətinin müxtəlif servisləri daxildirlər.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!